ബംഗളുരു: സ്കൂളിലെ സാമ്പാര് ചെമ്പില് വീണ് പൊള്ളലേറ്റ് ചികിത്സയിലായിരുന്ന വിദ്യാര്ത്ഥിനി മരിച്ചു. രണ്ടാം ക്ലാസ് വിദ്യാര്ത്ഥിനിയായ മഹന്തമ്മ ശിവപ്പ(7)യാണ് മരിച്ചത്. സംഭവവുമായി ബന്ധപ്പെട്ട് ഏഴ് പേര്ക്കെതിരെ പോലീസ് കേസെടുത്തു.
കല്ബുറഗി ജില്ലയിലെ അഫ്സല്പൂര് താലൂക്കിലെ ചിന്ംഗേര സര്ക്കാര് പ്രൈമറി സ്കൂളിലാണ് സംഭവം. സ്കൂളിലെ അടുക്കളയില് ഉച്ചഭക്ഷണത്തിനായി തയാറാക്കി വച്ചിരുന്ന സാമ്പാര് ചെമ്പിലേക്ക് വിദ്യാര്ഥിനി അബദ്ധത്തില് വീഴുകയായിരുന്നു.
40 ശതമാനം പൊള്ളലേറ്റ കുട്ടിയെ ഉടന് ചൗദാപൂരിലെ പ്രാഥമികാരോഗ്യ കേന്ദ്രത്തില് എത്തിച്ച് പ്രാഥമിക ചികിത്സ നല്കി. തുടര്ന്ന് തുടര് ചികിത്സയ്ക്കായി കല്ബുറഗിയിലെ ഗുല്ബര്ഗ ഇന്സ്റ്റിറ്റ്യൂട്ട് ഓഫ് മെഡിക്കല് സയന്സിലേക്ക് മാറ്റി. എന്നാല്,
ആരോഗ്യനില വഷളായതോടെ കുട്ടിയെ ബംഗളുരുവിലെ വിക്ടോറിയ ആശുപത്രിയില് പ്രവേശിപ്പിച്ചു. എന്നാല്, ഞായറാഴ്ച പുലര്ച്ചെ 3.30ന് വിദ്യാര്ഥിനി മരിക്കുകയായിരുന്നു.
കുട്ടിയുടെ അമ്മയുടെ പരാതിയെത്തുടര്ന്ന് സ്കൂളിലെ അടുക്കള ജീവനക്കാര്, സ്കൂള് ഹെഡ്മിസ്ട്രസ്, ഉച്ച ഭക്ഷണ പദ്ധതി അസിസ്റ്റന്റ് ഡയറക്ടര്, അഫ്സല്പൂര് ബ്ലോക്ക് വിദ്യാഭ്യാസ ഓഫീസര്, അഫ്സല്പൂര് താലൂക്ക് പഞ്ചായത്ത് ഓഫീസര്, ഉച്ചഭക്ഷണ പദ്ധതിയുമായി ബന്ധപ്പെട്ട മറ്റ് ഉദ്യോഗസ്ഥര്ക്കെതിരെയുമാണ് കേസെടുത്തത്. സംഭവത്തില് രണ്ട് അധ്യാപകരെ സസ്പെന്ഡ് ചെയ്തിട്ടുണ്ടെന്നും ഒരാളെ പുറത്താക്കിയെന്നും പൊതുവിദ്യാഭ്യാസ ഡെപ്യൂട്ടി ഡയറക്ടര് അറിയിച്ചു.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/7aV8N1pq8zNdJO5uRw37.jpg)