മുംബൈ: ഭര്‍ത്താവ് കാമുകിയെ തേടി യുക്രൈനിലേക്ക് പോയെന്ന വിവരമറിഞ്ഞ ഭാര്യ ആത്മഹത്യ ചെയ്തു. മുംബൈ കല്യാണില്‍ താമസിക്കുന്ന കാജളാ(25)ണ് മരിച്ചത്. കാജളിന്റെ മരണവിവരമറിഞ്ഞ് തിരിച്ച് മുംബൈയിലെത്തിയ ഭര്‍ത്താവ് നിതീഷ് നായരെ(26) ആത്മഹത്യാപ്രേരണകുറ്റം ചുമത്തി പോലീസ് അറസ്റ്റ് ചെയ്തു.
നിതീഷ് ഉപേക്ഷിച്ച് പോയതിന്റെ മനോവിഷമത്തിലാണ് മകള്‍ ജീവനൊടുക്കിയതെന്ന് ആരോപിച്ച് കാജളിന്റെ കുടുംബം പോലീസില്‍ പരാതി നല്‍കി. നിതീഷ് അയച്ച സന്ദേശങ്ങളും വിദേശ വനിതയുമായുള്ള ബന്ധത്തെക്കുറിച്ചും പരാതിയിലുണ്ട്.
പ്രമുഖ ഷിപ്പിംഗ് കമ്പനിയിലെ ജീവനക്കാരനാണ് നിതീഷ്. കഴിഞ്ഞ ദിവസമാണ് യുക്രൈനിലെ കാമുകിയെ കാണാന്‍ ഇയാള്‍ പോയത്. യുക്രൈനിലെത്തിയ ശേഷം തിരികെ വരില്ലെന്ന് ഭാര്യക്ക് ഇയാള്‍ മെസേജ് അയച്ചു. ഇക്കാര്യം കാജള്‍ മാതാവിനോട് അറിയിച്ചതിന് ശേഷം തൂങ്ങി മരിക്കുകയായിരുന്നു. ആത്മഹത്യ ചെയ്യാന്‍ പോകുന്നെന്ന് സൂചിപ്പിച്ച് അടുത്ത സുഹൃത്തുകള്‍ക്കും കാജള്‍ സന്ദേശം അയച്ചിരുന്നു.
കഴിഞ്ഞ സെപ്റ്റംബറിലാണ് നിതീഷിന് വിദേശ വനിതയുമായി ബന്ധമുള്ള വിവരം കാജള്‍ അറിയുന്നത്. ഇരുവരും തമ്മിലുള്ള ഫോട്ടോകളും വീഡിയോയും മൊബൈല്‍ ഫോണില്‍ കണ്ടു പിടിക്കുകയായിരുന്നു. യുക്രൈനില്‍ ജോലി ചെയ്യുന്ന സമയത്ത് യുവതിയുമായി ബന്ധമുണ്ടായിരുന്നെന്നാണ് കാജളിന്റെ കുടുംബം ആരോപിക്കുന്നത്.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/DElfGRfOaq9TeAcQgdYm.jpg)