ആണവമേഖലയില്‍ സ്വകാര്യ പങ്കാളിത്തം കൊണ്ടുവരും: ധനമന്ത്രി

ഡല്‍ഹി: ആണവമേഖലയില്‍ സ്വകാര്യ പങ്കാളിത്തം കൊണ്ടുവരുമെന്ന് ബജറ്റ് അവതരണത്തിനിടെ ധനമന്ത്രി നിര്‍മലാ സീതാരാമന്‍ അറിയിച്ചു. 

2047 ഓടെ കുറഞ്ഞത് 100 ജിഗാവാട്ട് ആണവോര്‍ജ്ജം വികസിപ്പിക്കേണ്ടത് നമ്മുടെ ഊര്‍ജ്ജ പരിവര്‍ത്തനത്തിന് അത്യന്താപേക്ഷിതമാണ്.

ഈ ലക്ഷ്യത്തിലേക്ക് സ്വകാര്യ മേഖലകളുമായുള്ള സജീവ പങ്കാളിത്തത്തിനായി, ആണവോര്‍ജ്ജ നിയമത്തിലും ആണവ നാശനഷ്ട നിയമത്തിനായുള്ള സിവില്‍ ബാധ്യതയിലും ഭേദഗതികള്‍ കൊണ്ടുവരും. 

ഗവേഷണ വികസനത്തിനായുള്ള ആണവോര്‍ജ്ജ ദൗത്യത്തിന്റെ ഭാഗമായി, 2033 ആകുമ്പോള്‍ തദ്ദേശീയമായി വികസിപ്പിച്ച കുറഞ്ഞത് അഞ്ച് ചെറിയ മോഡുലാര്‍ (ന്യൂക്ലിയര്‍) റിയാക്ടറുകള്‍
പ്രവര്‍ത്തനക്ഷമമാക്കുമെന്നും മന്ത്രി പറഞ്ഞു.