മുംബൈ: വായ്പ തിരിച്ചടയ്ക്കുന്നതില് വീഴ്ച വരുത്തിയവര്ക്കെതിരെ ലുക്ക് ഔട്ട് നോട്ടീസ് പുറപ്പെടുവിക്കാന് പൊതുമേഖലാ ബാങ്കുകള്ക്ക് അധികാരമില്ലെന്ന് ബോംബെ ഹൈക്കോടതി. ഇത്തരത്തില് ബാങ്കുകള് പുറപ്പെടുവിച്ച എല്ലാ ലുക്ക് ഔട്ട് നോട്ടീസുകളും ഹൈക്കോടതി റദ്ദാക്കി.
വായ്പാ തിരിച്ചടവില് വീഴ്ച വരുത്തുന്നവര്ക്കെതിരേ ബാങ്ക് മേധാവികള്ക്ക് ലുക്ക് ഔട്ട് നോട്ടീസ് പുറപ്പെടുവിക്കാമെന്ന കേന്ദ്ര സര്ക്കാര് വിജ്ഞാപനത്തിലെ വ്യവസ്ഥ ഭരണഘടനാവിരുദ്ധമാണെന്ന് ജസ്റ്റിസുമാരായ ഗൗതം പട്ടേലും മാധവ് ജാംദാറും അടങ്ങിയ ബെഞ്ച് വിലയിരുത്തി.