അലിഗഡ്-കാൺപൂർ ഹൈവേയിൽ കാറും കാന്ററും കൂട്ടിയിടിച്ച് അഞ്ച് പേർ വെന്തുമരിച്ചു

അലിഗഢ്: അലിഗഢ്-കാണ്‍പൂര്‍ ഹൈവേയിലെ ഗോപി ഓവര്‍ബ്രിഡ്ജില്‍ കാര്‍ ഡിവൈഡര്‍ മറികടന്ന് എതിരെ വന്ന കാന്ററില്‍ ഇടിച്ചു, രണ്ട് വാഹനങ്ങള്‍ക്കും തീ പിടിച്ചു.

കാറിലും കാന്ററിലും ഉണ്ടായിരുന്ന നാല് പേര്‍ മരിച്ചു. കാറിലുണ്ടായിരുന്ന ഒരാളെ രക്ഷപ്പെടുത്തി ആശുപത്രിയില്‍ പ്രവേശിപ്പിച്ചു.

തെറ്റായ വശത്ത് നിന്ന് ഡിവൈഡര്‍ കടക്കുന്നതിനിടെ കാര്‍ ഒരു കാന്ററില്‍ ഇടിക്കുകയായിരുന്നു. അക്രബാദ് പ്രദേശത്ത് പുലര്‍ച്ചെ 5:45 ഓടെയാണ് അപകടം നടന്നത്. ഫയര്‍ എഞ്ചിനുകളും വളരെ വൈകിയാണ് എത്തിയത്. 

അലിഗഡില്‍ നിന്ന് കാണ്‍പൂരിലേക്ക് പോകുകയായിരുന്നു കാര്‍. ഡ്രൈവര്‍ ഉറങ്ങിപ്പോയതോ കാറിന്റെ നിയന്ത്രണം നഷ്ടപ്പെട്ടതോ ആകാം അപകടത്തിന് കാരണമെന്ന് കരുതുന്നു. മൃതദേഹങ്ങള്‍ ഇതുവരെ തിരിച്ചറിഞ്ഞിട്ടില്ല.