കർണാടകയിൽ കാർ ഡിവൈഡറിൽ ഇടിച്ചു, ലോകായുക്ത ഇൻസ്പെക്ടർ ജീവനോടെ വെന്തുമരിച്ചു

ഡല്‍ഹി: ധാര്‍വാഡ് ജില്ലയിലെ ആനിഗേരിക്ക് സമീപം ഉണ്ടായ അപകടത്തില്‍ ഹാവേരിയില്‍ നിന്നുള്ള ലോകായുക്ത ഇന്‍സ്പെക്ടര്‍ മരിച്ചു. സലിമത്ത് ആണ് മരിച്ചത്. പ്രാഥമിക വിവരങ്ങള്‍ അനുസരിച്ച്, അദ്ദേഹം ഓടിച്ചിരുന്ന ഹ്യുണ്ടായ് ഐ20 കാര്‍ ദേശീയ പാതയിലെ ഒരു ഡിവൈഡറില്‍ ഇടിക്കുകയായിരുന്നു.

കൂട്ടിയിടിച്ചതിന് തൊട്ടുപിന്നാലെ വാഹനത്തിന് തീപിടിച്ചു. കുടുംബത്തെ കാണാന്‍ ഗഡാഗിലേക്ക് ഒറ്റയ്ക്ക് യാത്ര ചെയ്യുകയായിരുന്ന ഇന്‍സ്പെക്ടര്‍ സലിമത്തിന് കൃത്യസമയത്ത് പുറത്തിറങ്ങാന്‍ കഴിഞ്ഞില്ല. 

അഗ്‌നിശമന സേനാംഗങ്ങളും രക്ഷാപ്രവര്‍ത്തകരും സ്ഥലത്തെത്തി സ്ഥിതിഗതികള്‍ നിയന്ത്രണവിധേയമാക്കി. എന്നാല്‍, സഹായം എത്തുമ്പോഴേക്കും വാഹനത്തിന് കാര്യമായ കേടുപാടുകള്‍ സംഭവിച്ചിരുന്നു.