പഞ്ചാബിലെ മുക്ത്‌സറിൽ സ്കോർപിയോ ട്രക്കുമായി കൂട്ടിയിടിച്ച്‌ വാഹനാപകടം; എ.എസ്.ഐ മരിച്ചു, നാല് പോലീസുകാർക്ക് പരിക്ക്

ഡല്‍ഹി: പട്യാലയിലെ രാജ്പുരയില്‍ റെയ്ഡ് നടത്തിയ ശേഷം മുക്ത്‌സറിലേക്ക് മടങ്ങുകയായിരുന്ന സിഐഎ സ്റ്റാഫ് സംഘം സഞ്ചരിച്ച വാഹനം അപകടത്തില്‍പ്പെട്ടു. അപകടത്തില്‍ എഎസ്‌ഐ ജലന്ധര്‍ സിംഗ് മരിച്ചു. ഇന്‍സ്‌പെക്ടര്‍ രാജ്വീര്‍ സിംഗ് ഉള്‍പ്പെടെ നാല് പോലീസ് ഉദ്യോഗസ്ഥര്‍ക്ക് ഗുരുതരമായി പരിക്കേറ്റു.

ഇന്‍സ്‌പെക്ടര്‍ രാജ്വീര്‍ സിങ്ങിന്റെ നിലയും വളരെ ഗുരുതരമായി തുടരുന്നു. പരിക്കേറ്റവരെ ആശുപത്രിയില്‍ പ്രവേശിപ്പിച്ചു. 

പൊലീസ് സംഘം പുലര്‍ച്ചെ പട്യാലയില്‍ നിന്ന് മുക്ത്സറിലേക്ക് കാറില്‍ വരികയായിരുന്നു. ഇതിനിടയില്‍, കാര്‍ രാംപുര ഫുല്‍ ബതിന്ദയ്ക്ക് സമീപം നിര്‍ത്തിയിട്ടിരുന്ന ഒരു ട്രക്കില്‍ ഇടിച്ചു.

അപകടത്തെത്തുടര്‍ന്ന് കാറിന്റെ മുന്‍ഭാഗം ട്രക്കിനടിയില്‍ കുടുങ്ങി, കാറിന് സാരമായ കേടുപാടുകള്‍ സംഭവിച്ചു.

വാഹനത്തില്‍ സഞ്ചരിച്ചിരുന്ന അഞ്ച് പോലീസുകാരില്‍ എഎസ്ഐ ജലന്ധര്‍ സിംഗ് മരിച്ചു, ഇന്‍സ്‌പെക്ടര്‍ രാജ്വീര്‍ സിംഗ് ഉള്‍പ്പെടെ നാല് പോലീസുകാര്‍ക്ക് ഗുരുതരമായി പരിക്കേറ്റു. അവര്‍ ചികിത്സയിലാണ്.