"രാമനും രാഷ്ട്രവും, പക്ഷേ ഒരു വിട്ടുവീഴ്ചയും സാധ്യമല്ല"; കോൺഗ്രസിൽ നിന്ന് പുറത്താക്കിയതിന് പിന്നാലെ ആചാര്യ പ്രമോദ്

ഡല്‍ഹി: പാർട്ടി വിരുദ്ധ പരാമർശങ്ങളുടെ പേരിൽ കോൺഗ്രസിൽ നിന്ന് പുറത്താക്കപ്പെട്ടതിന് പിന്നാലെ പ്രതികരണവുമായി ആചാര്യ പ്രമോദ് കൃഷ്ണം.

"രാമനും രാഷ്ട്രവും... പക്ഷേ ഒരു വിട്ടുവീഴ്ചയും സാധ്യമല്ല" എന്നായിരുന്നു എക്സിലെ പോസ്റ്റിൽ ആചാര്യ പ്രമോദ് പറഞ്ഞത്. പ്രമോദ് കൃഷ്ണനെ പാർട്ടിയിൽ നിന്ന് ആറ് വർഷത്തേക്ക് പുറത്താക്കാനുള്ള ഉത്തർപ്രദേശ് കോൺഗ്രസ് കമ്മിറ്റിയുടെ നിർദ്ദേശം കോൺഗ്രസ് അധ്യക്ഷൻ അംഗീകരിച്ചതായി ശനിയാഴ്ച ഔദ്യോഗിക പ്രസ്താവനയിൽ പറഞ്ഞു. പാർട്ടിക്കെതിരായ അച്ചടക്കമില്ലായ്മയുടെയും ആവർത്തിച്ചുള്ള പരസ്യപ്രസ്താവനകളുടെയും പരാതിയെ തുടർന്നാണ് നടപടി സ്വീകരിച്ചത്. 

ഈ മാസം ആദ്യം കൃഷ്ണം പ്രധാനമന്ത്രി മോദിയെ കാണുകയും ഫെബ്രുവരി 19ന് നടക്കുന്ന ശ്രീ കൽക്കി ധാമിൻ്റെ ശിലാസ്ഥാപന ചടങ്ങിൽ പങ്കെടുക്കാൻ ക്ഷണിക്കുകയും ചെയ്തിരുന്നു.

ക്ഷണത്തിന് നന്ദി പറഞ്ഞുകൊണ്ട്, "വിശ്വാസത്തോടും ഭക്തിയോടും ബന്ധപ്പെട്ട ഈ പുണ്യ വേളയുടെ ഭാഗമാകാൻ കഴിഞ്ഞത് എനിക്ക് ലഭിച്ച ഒരു പദവിയാണ്" എന്ന് മറുപടിയായി പ്രധാനമന്ത്രി പറഞ്ഞു.

ജനുവരി 22-ന് അയോധ്യയിലെ രാമമന്ദിറിൽ നടക്കുന്ന 'പ്രാണപ്രതിഷ്ഠ' ചടങ്ങ് ഒഴിവാക്കാനുള്ള പ്രതിപക്ഷ നേതാക്കളുടെ തീരുമാനം ദൗർഭാഗ്യകരമാണെന്ന് കൃഷ്ണം വിമർശിച്ചിരുന്നു.

"ഒരു ക്രിസ്ത്യാനിക്കോ പുരോഹിതനോ മുസ്ലീമിനോ പോലും ശ്രീരാമൻ്റെ ക്ഷണം നിരസിക്കാൻ കഴിയില്ല. രാമൻ ഇന്ത്യയുടെ ആത്മാവാണ്. രാമനില്ലാതെ ഇന്ത്യയെ സങ്കൽപ്പിക്കാൻ പോലും കഴിയില്ല," ആചാര്യ പ്രമോദ് അന്ന് പറഞ്ഞു.