ഡൽഹിയിലെ വായുവിന്റെ ഗുണനിലവാരം തുടർച്ചയായ അഞ്ചാം ദിവസവും "മോശം" വിഭാഗത്തിൽ തുടരുന്നു

ഡല്‍ഹി: ഡല്‍ഹിയിലെ വായുവിന്റെ ഗുണനിലവാരം 'മോശം' വിഭാഗത്തില്‍ നിന്ന് 'വളരെ മോശം' വിഭാഗത്തിലേക്ക്. ഞായറാഴ്ച നഗരത്തില്‍ 339 എന്ന വായു ഗുണനിലവാര സൂചിക (എക്യുഐ) രേഖപ്പെടുത്തി.

നിരവധി നിരീക്ഷണ സ്റ്റേഷനുകള്‍ വായു ഗുണനിലവാര സൂചിക 'വളരെ ദോഷകരമായ' മേഖലയിലേക്ക് അടുക്കുന്നതായി കാണിക്കുന്നു. കേന്ദ്ര മലിനീകരണ നിയന്ത്രണ ബോര്‍ഡിന്റെ (സിപിസിബി) കണക്കനുസരിച്ച്, ശനിയാഴ്ച നഗരത്തിലെ വായു ഗുണനിലവാര സൂചിക 268 ആയിരുന്നു. 

ദീപാവലി ഉത്സവത്തിനായി നഗരം ഒരുങ്ങുമ്പോള്‍ മലിനീകരണ തോത് ഉയരുന്ന സാഹചര്യത്തിലാണ് ഇത്. വെടിക്കെട്ടും വര്‍ദ്ധിച്ചുവരുന്ന മലിനീകരണവും പലപ്പോഴും വായു ഗുണനിലവാര പ്രശ്നങ്ങള്‍ വര്‍ദ്ധിപ്പിക്കുന്ന സമയമാണിത്.