ദിബ്രുഗഡിൽ നിന്ന് ഗുവാഹത്തിയിലേക്ക് തിരിച്ച എയർ ഇന്ത്യ എക്സ്പ്രസ് വിമാനത്തിന് സാങ്കേതിക തകരാറ്

ഗുവാഹത്തി: തിങ്കളാഴ്ച ദിബ്രുഗഡില്‍ നിന്ന് ഗുവാഹത്തിയിലേക്ക് പോയ എയര്‍ ഇന്ത്യ എക്‌സ്പ്രസ് വിമാനം സാങ്കേതിക തകരാറിനെ തുടര്‍ന്ന് തിരിച്ചിറക്കി. പിന്നീട് തകരാര്‍ പരിഹരിച്ചതിനെ തുടര്‍ന്ന് ലക്ഷ്യസ്ഥാനത്തേക്ക് പറന്നതായി അധികൃതര്‍ വാര്‍ത്താ ഏജന്‍സിയായ പിടിഐയോട് പറഞ്ഞു.

ഗുവാഹത്തിയിലെ ലോക്പ്രിയ ഗോപിനാഥ് ബോര്‍ഡോലോയ് ഇന്റര്‍നാഷണല്‍ (എല്‍ജിബിഐ) വിമാനത്താവളത്തില്‍ നിന്ന് ഉച്ചയ്ക്ക് 12.20 ന് പറന്നുയര്‍ന്ന ബോയിംഗ് 737 മാക്‌സ് 8 വിമാനം ഉച്ചയ്ക്ക് 1.25 ന് ദിബ്രുഗഡ് വിമാനത്താവളത്തില്‍ ഇറങ്ങേണ്ടതായിരുന്നു.

എന്നാല്‍ ലാന്‍ഡിംഗിന് തൊട്ടുമുമ്പ്, പൈലറ്റുമാര്‍ ഒരു ചിറകുമായി ബന്ധപ്പെട്ട ഏവിയോണിക്‌സില്‍ ഒരു പ്രശ്‌നം ശ്രദ്ധിച്ചതായി ഒരു ഉദ്യോഗസ്ഥന്‍ പറഞ്ഞു.

'ഉടന്‍ തന്നെ ഗുവാഹത്തിയിലേക്ക് മടങ്ങാന്‍ തീരുമാനിച്ചു. എഞ്ചിനീയര്‍മാര്‍ സമഗ്രമായ പരിശോധന നടത്തി തകരാര്‍ പരിഹരിച്ച ശേഷം, വിമാനം ഗുവാഹത്തിയില്‍ നിന്ന് പറന്നുയര്‍ന്ന് വൈകുന്നേരം 6.20 ന് ദിബ്രുഗഡില്‍ എത്തി,' അദ്ദേഹം കൂട്ടിച്ചേര്‍ത്തു.

എന്നാല്‍ ഒരു യാത്രക്കാരനും പരിക്കേറ്റതായി റിപ്പോര്‍ട്ട് ചെയ്തിട്ടില്ല .