/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/07/30/air-india-untitledaearth-2025-07-30-09-25-31.jpg)
കൊച്ചി: വിങ്സ് ഇന്ത്യ 2026ല് എയര്ലൈന് വിഭാഗം വിജയിയായി എയര് ഇന്ത്യ എക്സ്പ്രസ്. കേന്ദ്ര വ്യോമയാന മന്ത്രാലയം, ഫിക്കി, എയര്പോര്ട്ട് അതോറിറ്റി ഓഫ് ഇന്ത്യ എന്നിവര് സംയുക്തമായി ഹൈദരാബാദില് സംഘടിപ്പിക്കുന്ന വിങ്സ് ഇന്ത്യ 2026ല് പുരസ്കാരം സമ്മാനിക്കും.
മികച്ച യാത്രാനുഭവം, കൂടുതല് കണക്ടിവിറ്റി, മെച്ചപ്പെട്ട സേവനങ്ങള്, ഡിജിറ്റല് സാങ്കേതിക വിദ്യകളുടെ ഉപയോഗം, നവീകരണം തുടങ്ങിയ മേഖലകളിലെ മികവാണ് എയര് ഇന്ത്യ എക്സ്പ്രസിനെ പുരസ്കാരത്തിന് അര്ഹമാക്കിയത്.
കഴിഞ്ഞ ഡിസംബറിൽ രാജ്യത്തെ മറ്റ് എയര്ലൈനുകളെ അപേക്ഷിച്ച് സമയനിഷ്ഠയില് എയര് ഇന്ത്യ എക്സ്പ്രസായിരുന്നു മുന്പന്തിയില്.
ദക്ഷിണേഷ്യ, തെക്ക്-കിഴക്കന് ഏഷ്യ, ഗള്ഫ് മേഖലകള് എന്നിവിടങ്ങളിലെ 17 അന്താരാഷ്ട്ര വിമാനത്താവളങ്ങളിലേക്കും ഇന്ത്യയില് 45 സ്ഥലങ്ങളിലേക്കും എയര് ഇന്ത്യ എക്സ്പ്രസിന് സര്വിസുകളുണ്ട്.