ബെംഗളൂരുവിലെ റിച്ച്മണ്ട് സർക്കിളിൽ ആംബുലൻസ് വാഹനങ്ങളിൽ ഇടിച്ചു; രണ്ട് പേർ മരിച്ചു, രണ്ട് പേർക്ക് പരിക്ക്

ബെംഗളൂരു: ബെംഗളൂരുവിലെ റിച്ച്മണ്ട് സര്‍ക്കിളിന് സമീപം ചുവന്ന സിഗ്‌നലില്‍ കാത്തുനിന്ന മൂന്ന് മോട്ടോര്‍ സൈക്കിളുകളില്‍ ആംബുലന്‍സ് നിയന്ത്രണം വിട്ട് ഇടിച്ചു.

സ്‌കൂട്ടറില്‍ സഞ്ചരിച്ചിരുന്ന ദമ്പതികള്‍ ഉള്‍പ്പെടെ രണ്ട് പേര്‍ സംഭവസ്ഥലത്ത് തന്നെ മരിച്ചു, മറ്റ് രണ്ട് പേര്‍ക്ക് ഗുരുതരമായി പരിക്കേറ്റു. 

ഡ്രൈവറെ കസ്റ്റഡിയിലെടുത്തു, പോലീസ് അന്വേഷണം ആരംഭിച്ചു. ശനിയാഴ്ച രാത്രി വൈകി ബെംഗളൂരുവിലെ റിച്ച്മണ്ട് സര്‍ക്കിളിന് സമീപം ആംബുലന്‍സ് നിയന്ത്രണം വിട്ട് മൂന്ന് മോട്ടോര്‍ സൈക്കിളുകളില്‍ ഇടിച്ചതിനെ തുടര്‍ന്ന് രണ്ട് പേര്‍ മരിക്കുകയും രണ്ട് പേര്‍ക്ക് ഗുരുതരമായി പരിക്കേല്‍ക്കുകയും ചെയ്തു.

രാത്രി 11:00 ഓടെ, ചുവപ്പ് സിഗ്‌നലില്‍ മോട്ടോര്‍ സൈക്കിളുകള്‍ നിര്‍ത്തിയപ്പോഴാണ് കൂട്ടിയിടിച്ചത്. അതിവേഗതയില്‍ വന്ന ആംബുലന്‍സ് ബൈക്കുകളില്‍ വലിയ ശക്തിയില്‍ ഇടിച്ചതായും, അവയിലൊന്ന് 50 മീറ്ററോളം വലിച്ചിഴച്ച് സമീപത്തുള്ള പോലീസ് ഔട്ട്പോസ്റ്റില്‍ ഇടിച്ച ശേഷം നിര്‍ത്തിയതായും ദൃക്സാക്ഷികള്‍ പറഞ്ഞു.

സ്‌കൂട്ടറില്‍ ഒരുമിച്ച് യാത്ര ചെയ്യുകയായിരുന്ന ഇസ്മായില്‍ (40), ഭാര്യ സമീന്‍ ബാനു എന്നിവരാണ് മരിച്ചതെന്ന് പോലീസ് തിരിച്ചറിഞ്ഞു. ഗുരുതരമായ പരിക്കുകള്‍ കാരണം ഇരുവരും സംഭവസ്ഥലത്ത് തന്നെ മരിച്ചു.

ഗുരുതരമായി പരിക്കേറ്റ മറ്റ് രണ്ട് റൈഡര്‍മാരെ ഉടന്‍ തന്നെ അടുത്തുള്ള ആശുപത്രിയിലേക്ക് മാറ്റി. ഇവരുടെ നില ഗുരുതരമായി തുടരുകയാണെന്ന് അധികൃതര്‍ അറിയിച്ചു.