'വെറുതെ വികസന പദ്ധതികൾ തയ്യാറാക്കരുത്'. വളർച്ചയ്ക്കായി ആസൂത്രണം ചെയ്യുക എന്നതിലുപരി ലോകത്തിലെ ഏറ്റവും മികച്ച 10 ബാങ്കുകളുടെ പട്ടികയിൽ ഇടം നേടുക എന്നതാണ് ഇന്ത്യൻ ബാങ്കുകളുടെ ലക്ഷ്യമെന്ന് അമിത് ഷാ

ഡല്‍ഹി: ഇന്ത്യന്‍ ബാങ്കുകള്‍ വളര്‍ച്ചയ്ക്കായി മാത്രം ആസൂത്രണം ചെയ്യരുത്, മറിച്ച് ലോകത്തിലെ മികച്ച 10 ബാങ്കുകളുടെ പട്ടികയില്‍ ഇടം നേടാനും ലക്ഷ്യമിടണമെന്ന് കേന്ദ്ര ആഭ്യന്തര മന്ത്രി അമിത് ഷാ.

2047 ഓടെ ഇന്ത്യയെ വിശ്വഗുരുവാക്കി മാറ്റുക എന്നതാണ് പ്രധാനമന്ത്രി നരേന്ദ്ര മോദി ലക്ഷ്യമിടുന്നതെന്ന് അദ്ദേഹം പറഞ്ഞു. രാഷ്ട്രീയം, സാമൂഹികം, സാമ്പത്തികം എന്നിങ്ങനെ മൂന്ന് തരം ഉള്‍ക്കൊള്ളലിനെക്കുറിച്ച് ഭരണഘടന പറയുന്നുണ്ട്.

'നമ്മുടെ ഇന്ത്യന്‍ ബാങ്കുകളോട് ഞാന്‍ പറയാന്‍ ആഗ്രഹിക്കുന്നത് വളര്‍ച്ചയ്ക്കായി മാത്രം ആസൂത്രണം ചെയ്യരുത് എന്നാണ്. നമ്മുടെ ബാങ്കുകളും മികച്ച 10 എണ്ണത്തില്‍ ഉള്‍പ്പെടണം,' ഒരു മീഡിയ ഹൗസ് സംഘടിപ്പിച്ച അവാര്‍ഡ് ദാന ചടങ്ങില്‍ അമിത് ഷാ പറഞ്ഞു.

രാജ്യത്തിന്റെ സാമ്പത്തിക വളര്‍ച്ചയ്ക്ക് സൂക്ഷ്മ, ചെറുകിട, ഇടത്തരം സംരംഭങ്ങളെ (എംഎസ്എംഇ) പിന്തുണയ്ക്കുന്നത് നിര്‍ണായകമാണെന്ന് ആഭ്യന്തരമന്ത്രി പറഞ്ഞു.

റിലയന്‍സ് ഇന്‍ഡസ്ട്രീസ്, അദാനി ഗ്രൂപ്പ്, ടാരന്റ് ഗ്രൂപ്പ് തുടങ്ങിയ ഭീമന്‍ കമ്പനികളും ഒരുകാലത്ത് എംഎസ്എംഇകളായിരുന്നുവെന്ന് അദ്ദേഹം ഓര്‍മ്മിപ്പിച്ചു.

ഈ ഗ്രൂപ്പുകള്‍ക്ക് വായ്പ നല്‍കിയിരുന്നില്ലെങ്കില്‍ ഇന്ത്യയില്‍ ഇത്രയധികം വ്യാവസായിക സ്ഥാപനങ്ങള്‍ ഉണ്ടാകുമായിരുന്നില്ലെന്ന് ആഭ്യന്തരമന്ത്രി പറഞ്ഞു.