ഇന്ത്യയില്‍ നിര്‍മ്മിച്ച സാധനങ്ങള്‍ മാത്രം വാങ്ങുക, പുറത്തു നിന്ന് വാങ്ങരുത്. സ്വതന്ത്രമായി ഇനി ഷോപ്പിംഗ് നടത്തൂ; സ്ത്രീകളോട് അമിത് ഷാ

ഡല്‍ഹി: സെപ്റ്റംബര്‍ 22 മുതല്‍ ജിഎസ്ടി 2.0 പ്രകാരം വന്‍തോതിലുള്ള നിരക്ക് ഇളവുകള്‍ നിലവില്‍ വരുന്നു. ഇതോടെ രാജ്യമെമ്പാടുമുള്ള സ്ത്രീകള്‍ ഷോപ്പിംഗ് നടത്തണമെന്ന് കേന്ദ്ര ആഭ്യന്തര മന്ത്രി അമിത് ഷാ. 

'ദീപാവലി, നവരാത്രി എന്നിവ ഉടന്‍ വരുന്നു. നിങ്ങള്‍ ഉപയോഗിക്കുന്ന എല്ലാത്തിനും ഇപ്പോള്‍ 28 ശതമാനവും 18 ശതമാനവും ജിഎസ്ടി ആയിരിക്കും.

ഡല്‍ഹിയിലെ അമ്മമാരോടും സഹോദരിമാരോടും ഞാന്‍ പറയാന്‍ ആഗ്രഹിക്കുന്നത് സെപ്റ്റംബര്‍ 22 മുതല്‍ കൂടുതല്‍ കൂടുതല്‍ ഷോപ്പിംഗ് ആരംഭിക്കാനും ആണ്,'  അമിത്ഷാ പറഞ്ഞു.

പ്രധാനമന്ത്രി നരേന്ദ്ര മോദിയുടെ 75-ാം ജന്മദിനത്തോടനുബന്ധിച്ച് ബുധനാഴ്ച ഡല്‍ഹിയില്‍ 1,723 കോടി രൂപയുടെ വിവധ ക്ഷേമ പദ്ധതികള്‍ അനാച്ഛാദനം ചെയ്ത ശേഷമാണ് അദ്ദേഹം ഈ പ്രഖ്യാപനങ്ങള്‍ നടത്തിയത്. 

'സ്വതന്ത്രമായി ഷോപ്പുചെയ്യുക, പക്ഷേ ഇന്ത്യയില്‍ നിര്‍മ്മിച്ച സാധനങ്ങള്‍ മാത്രം വാങ്ങുക, പുറത്തു നിന്ന് വാങ്ങരുത്. നമ്മുടെ രാജ്യത്ത് നിര്‍മ്മിച്ചത് മാത്രം വാങ്ങുമെന്ന് ഇന്ത്യയിലെ ഓരോ പൗരനും പ്രതിജ്ഞയെടുക്കേണ്ട സമയം അതിക്രമിച്ചിരിക്കുന്നു,' പ്രധാനമന്ത്രി മോദിയുടെ 'പ്രാദേശികതയ്ക്ക് വേണ്ടി ശബ്ദമുയര്‍ത്തുക' എന്ന ആഹ്വാനത്തെ പ്രതിധ്വനിപ്പിച്ചുകൊണ്ട്  അമിത്ഷാ പറഞ്ഞു.