'ഇ.വി.എമ്മോ വോട്ടർ പട്ടികയോ അല്ല കാരണം, ജനങ്ങൾക്ക് കോൺഗ്രസിനെ വേണ്ട'; പരിഹാസവുമായി അമിത് ഷാ

ഡല്‍ഹി: രാജ്യമെമ്പാടുമുള്ള ജനങ്ങള്‍ കോണ്‍ഗ്രസിനെയും സഖ്യകക്ഷികളെയും നിഷേധിച്ചതിനാല്‍ അടുത്ത വര്‍ഷം നടക്കാനിരിക്കുന്ന പശ്ചിമ ബംഗാളിലെയും തമിഴ്നാട്ടിലെയും തിരഞ്ഞെടുപ്പുകളില്‍ എന്‍.ഡി.എ. വലിയ വിജയം നേടുമെന്ന് അമിത് ഷാ.

1,500 കോടി രൂപ ചെലവില്‍ മൂന്ന് സ്‌പോര്‍ട്‌സ് കോംപ്ലക്‌സുകള്‍ ഉള്‍പ്പെടെയുള്ള വിവിധ പദ്ധതികള്‍ക്ക് തറക്കല്ലിടുകയും ഉദ്ഘാടനം ചെയ്യുകയും ചെയ്ത അഹമ്മദാബാദ് മുനിസിപ്പല്‍ കോര്‍പ്പറേഷന്റെ പരിപാടിയിലാണ് അദ്ദേഹം ഈ പ്രസ്താവന നടത്തിയത്.

ന്യൂസ് ഏജന്‍സിയായ പി.ടി.ഐ.യുടെ റിപ്പോര്‍ട്ട് അനുസരിച്ച്, 2014-ലെ ലോക്സഭാ തിരഞ്ഞെടുപ്പ് മുതല്‍ 2025 വരെ ബി.ജെ.പി.യുടെ വിജയ പരമ്പര തുടരുകയാണെന്ന് അമിത് ഷാ പറഞ്ഞു. 'നരേന്ദ്ര ഭായ് 2024-ലെ ലോക്സഭാ തിരഞ്ഞെടുപ്പില്‍ മൂന്നാം തവണയും പ്രധാനമന്ത്രിയായി.

പതിറ്റാണ്ടുകള്‍ക്ക് ശേഷമാണ് ഈ റെക്കോര്‍ഡ് നിലനിര്‍ത്തുന്നത്. മഹാരാഷ്ട്ര, ഹരിയാന, ഡല്‍ഹി എന്നിവിടങ്ങളില്‍ നിന്ന് കോണ്‍ഗ്രസ് ഇല്ലാതായി, ഇപ്പോള്‍ ബിഹാറില്‍ നിന്നും. 

അടുത്തിടെ നടന്ന ബിഹാര്‍ നിയമസഭാ തിരഞ്ഞെടുപ്പില്‍ എന്‍.ഡി.എ. മൂന്നില്‍ രണ്ട് ഭൂരിപക്ഷത്തോടെ സര്‍ക്കാര്‍ രൂപീകരിച്ചു. ഈ പരമ്പര ബംഗാളിലും തമിഴ്നാട്ടിലും മുന്നോട്ട് കൊണ്ടുപോകുമെന്ന് അദ്ദേഹം പറഞ്ഞു.