ജയിക്കാന്‍ വേണ്ടി മാത്രമാണ് അവര്‍ ഇഡിയുടെയും സിബിഐയുടെയും സംഘങ്ങളെ തിരഞ്ഞെടുപ്പ് സമയത്ത് അയയ്ക്കുന്നത്, പക്ഷേ അവര്‍ തിരഞ്ഞെടുപ്പില്‍ വിജയിക്കില്ല. അമിത് ഷായുടെ ഓഫീസിന് പുറത്ത് പ്രതിഷേധിക്കുന്നതിനിടെ മഹുവ മൊയ്ത്ര ഉൾപ്പെടെയുള്ള തൃണമൂൽ കോൺഗ്രസ് എംപിമാരെ പോലീസ് കസ്റ്റഡിയിലെടുത്തു

ഡല്‍ഹി: കേന്ദ്ര ആഭ്യന്തര മന്ത്രി അമിത് ഷായുടെ ഡല്‍ഹിയിലെ ഓഫീസിന് പുറത്ത് പ്രതിഷേധ പ്രകടനം നടത്തുന്നതിനിടെ ടിഎംസി എംപിമാരായ ഡെറക് ഒ ബ്രയാന്‍, മഹുവ മൊയ്ത്ര എന്നിവരെ വെള്ളിയാഴ്ച പോലീസ് കസ്റ്റഡിയിലെടുത്തു.

സതാബ്ദി റോയ്, കീര്‍ത്തി ആസാദ് എന്നിവരുള്‍പ്പെടെയുള്ള ടിഎംസി എംപിമാര്‍ ഡല്‍ഹിയിലെ കേന്ദ്ര ആഭ്യന്തര മന്ത്രി അമിത് ഷായുടെ ഓഫീസിന് പുറത്ത് പ്രതിഷേധ പ്രകടനം നടത്തി. പോലീസ് അവരെ സ്ഥലത്ത് നിന്ന് നീക്കം ചെയ്തു.

'ബിജെപിയെ ഞങ്ങള്‍ പരാജയപ്പെടുത്തും. തിരഞ്ഞെടുക്കപ്പെട്ട ഒരു എംപിയോട് ഡല്‍ഹി പോലീസ് എങ്ങനെ പെരുമാറുന്നുവെന്ന് രാജ്യം കാണുന്നുണ്ടെന്ന്' ടിഎംസി എംപി മഹുവ മൊയ്ത്ര പറഞ്ഞു.

'ഇവിടത്തെ എംപിമാര്‍ക്ക് എന്താണ് സംഭവിക്കുന്നതെന്ന് നിങ്ങള്‍ കാണുന്നുണ്ടെന്ന്' ടിഎംസി എംപി ഡെറക് ഒ'ബ്രയന്‍ പറഞ്ഞു.

'ഇഡി റെയ്ഡുകള്‍ നടത്തിയത് തെറ്റായ രീതിയിലാണ്, ജനാധിപത്യവിരുദ്ധമായ രീതിയില്‍ തിരഞ്ഞെടുപ്പുകള്‍ ജയിക്കാനുള്ള ശ്രമമാണിത്, ബിജെപി ഈ രീതിയില്‍ തിരഞ്ഞെടുപ്പുകളില്‍ വിജയിക്കില്ല...' എന്ന് ടിഎംസി എംപി കീര്‍ത്തി ആസാദ് പറഞ്ഞു.

അവര്‍ ഇന്നലെ ഇഡിയുടെ സംഘത്തെ അയച്ചു, തിരഞ്ഞെടുപ്പ് സമയത്ത് അവര്‍ക്ക് എല്ലാം ഓര്‍മ്മയുണ്ട്... ജയിക്കാന്‍ വേണ്ടി മാത്രമാണ് അവര്‍ ഇഡിയുടെയും സിബിഐയുടെയും സംഘങ്ങളെ തിരഞ്ഞെടുപ്പ് സമയത്ത് അയയ്ക്കുന്നത്, പക്ഷേ അവര്‍ തിരഞ്ഞെടുപ്പില്‍ വിജയിക്കില്ല...ടിഎംസി എംപി സതാബ്ദി റോയ് പറയുന്നു.'