നമ്മുടെ നിരപരാധികളായ സഹോദരങ്ങളെ ക്രൂരമായി കൊലപ്പെടുത്തിയതിനുള്ള പ്രതികരണം. ഇന്ത്യയ്ക്കും പൗരന്മാര്‍ക്കും നേരെയുള്ള 'ഏത് ആക്രമണത്തിനും ഉചിതമായ മറുപടി' നല്‍കുന്നതില്‍ മോദിസര്‍ക്കാര്‍ ദൃഢനിശ്ചയം ചെയ്തിട്ടുണ്ടെന്ന് അമിത് ഷാ

ഡല്‍ഹി; ഏപ്രില്‍ 22 ലെ പഹല്‍ഗാം ആക്രമണത്തില്‍ 'നമ്മുടെ നിരപരാധികളായ സഹോദരങ്ങളെ ക്രൂരമായി കൊലപ്പെടുത്തിയതിന്' പ്രതികാരമായാണ് പാകിസ്ഥാനിലും പാക് അധിനിവേശ കശ്മീരിലും ഇന്ത്യ ആക്രമണങ്ങള്‍ നടത്തിയതെന്ന് ആഭ്യന്തര മന്ത്രി അമിത് ഷാ.

ഇന്ത്യയ്ക്കും പൗരന്മാര്‍ക്കും നേരെയുള്ള 'ഏത് ആക്രമണത്തിനും ഉചിതമായ മറുപടി' നല്‍കുന്നതില്‍ പ്രധാനമന്ത്രി നരേന്ദ്ര മോദിയുടെ നേതൃത്വത്തിലുള്ള സര്‍ക്കാര്‍ ദൃഢനിശ്ചയം ചെയ്തിട്ടുണ്ടെന്ന് അമിത് ഷാ പറഞ്ഞു.

'നമ്മുടെ സായുധ സേനയില്‍ അഭിമാനിക്കുന്നു. പഹല്‍ഗാമില്‍ നമ്മുടെ നിരപരാധികളായ സഹോദരങ്ങളെ ക്രൂരമായി കൊലപ്പെടുത്തിയതിനുള്ള ഭാരതത്തിന്റെ പ്രതികരണമാണ് ഓപ്പറേഷന്‍ സിന്ദൂര്‍.

ഇന്ത്യയ്ക്കും അവിടുത്തെ ജനങ്ങള്‍ക്കും നേരെയുള്ള ഏതൊരു ആക്രമണത്തിനും ഉചിതമായ മറുപടി നല്‍കാന്‍ മോദി സര്‍ക്കാര്‍ ദൃഢനിശ്ചയിച്ചിരിക്കുന്നു.

തീവ്രവാദത്തെ അതിന്റെ വേരുകളില്‍ നിന്ന് ഉന്മൂലനം ചെയ്യാന്‍ ഭാരതം ഉറച്ചുനില്‍ക്കുന്നു,' ആഭ്യന്തരമന്ത്രി ട്വീറ്റ് ചെയ്തു.