ഭീകര ക്യാമ്പുകള്‍ നശിപ്പിക്കുന്നതിനായി പാകിസ്ഥാനുള്ളില്‍ 100 കിലോമീറ്റര്‍ ആഴത്തില്‍ പോയി ഇന്ത്യന്‍ സൈന്യം ചരിത്രപരമായ ആക്രമണം നടത്തി. 'ആറ്റം ബോംബുകള്‍ ഉണ്ടെന്ന് ഭീഷണിപ്പെടുത്തിയവര്‍ക്ക്' സൈന്യവും നാവികസേനയും വ്യോമസേനയും ഉചിതമായ മറുപടി നല്‍കിയെന്ന് അമിത് ഷാ

ഡല്‍ഹി: ഭീകര ക്യാമ്പുകള്‍ നശിപ്പിക്കുന്നതിനായി പാകിസ്ഥാനുള്ളില്‍ 100 കിലോമീറ്റര്‍ ആഴത്തില്‍ പോയി ഇന്ത്യന്‍ സൈന്യം ചരിത്രപരമായ ആക്രമണം നടത്തിയെന്ന് കേന്ദ്ര ആഭ്യന്തര മന്ത്രി അമിത് ഷാ. 

ഓപ്പറേഷന്‍ സിന്ദൂരിന്റെ നിര്‍വ്വഹണത്തിന് സായുധ സേനയെ പ്രശംസിച്ച അമിത് ഷാ, 'ആറ്റം ബോംബുകള്‍ ഉണ്ടെന്ന് ഞങ്ങളെ ഭീഷണിപ്പെടുത്തിയവര്‍ക്ക്' സൈന്യവും നാവികസേനയും വ്യോമസേനയും ഉചിതമായ മറുപടി നല്‍കിയെന്ന് അദ്ദേഹം പറഞ്ഞു.

'ഭീകരര്‍ അവരുടെ ഭീഷണികള്‍ ഞങ്ങളെ ഭയപ്പെടുത്തുമെന്ന് കരുതി, പക്ഷേ നമ്മുടെ മൂന്ന് സേനാ വിഭാഗങ്ങളും ഉചിതമായ മറുപടി നല്‍കി, അത് അവര്‍ക്ക് സങ്കല്‍പ്പിക്കാന്‍ കഴിയുന്നതിലും ശക്തമായിരുന്നു.

ഓപ്പറേഷന്‍ സിന്ദൂര്‍ എന്ന രഹസ്യനാമത്തില്‍ അറിയപ്പെടുന്ന സൈനിക നടപടി പാകിസ്ഥാനിലെയും പാക് അധിനിവേശ കശ്മീരിലെയും ഒമ്പത് ഭീകര ക്യാമ്പുകളെയാണ് ലക്ഷ്യമിട്ടത് .

ഇന്ത്യയ്ക്കെതിരെ ആക്രമണം നടത്താന്‍ പദ്ധതിയിട്ട ജെയ്ഷെ മുഹമ്മദ്, ലഷ്‌കര്‍-ഇ-തൊയ്ബ തുടങ്ങിയ ഭീകര ഗ്രൂപ്പുകളുമായി ഈ ക്യാമ്പുകള്‍ക്ക് ബന്ധമുണ്ടായിരുന്നു. 'ഭീകരര്‍ക്കുള്ള നമ്മുടെ സൈന്യത്തിന്റെ മറുപടി പാകിസ്ഥാനുള്ളിലെ 100 കിലോമീറ്റര്‍ ഉള്ളിലെ ക്യാമ്പുകള്‍ നശിപ്പിക്കുന്ന തരത്തിലായിരുന്നുവെന്നും അമിത് ഷാ പറഞ്ഞു.