അമൃത്സർ സിവിൽ ആശുപത്രിയിൽ തീപിടുത്തം, രോഗികളെ ഒഴിപ്പിച്ചു

അമൃത്സര്‍: പഞ്ചാബിലെ അമൃത്സറിലെ സിവില്‍ ആശുപത്രിയില്‍ തീപിടുത്തം. തീപിടുത്തത്തെക്കുറിച്ചുള്ള വിവരം ലഭിച്ചയുടനെ ആശുപത്രിയില്‍ പ്രവേശിപ്പിച്ച രോഗികളെയും കുട്ടികളെയും ഉടന്‍ തന്നെ ഒഴിപ്പിച്ചു. അഗ്‌നിശമന സേനാ സംഘം സ്ഥലത്തെത്തി തീ നിയന്ത്രണവിധേയമാക്കി.

രക്തബാങ്കിനുള്ളിലെ ഒരു റഫ്രിജറേറ്ററിന് സമീപം തീപിടുത്തമുണ്ടായി, തീ പെട്ടെന്ന് പടര്‍ന്നു. ആശുപത്രി ജീവനക്കാര്‍ ഉടന്‍ തന്നെ രക്ഷാപ്രവര്‍ത്തനം ആരംഭിച്ചു.

അഗ്‌നിശമന സേന രണ്ട് മണിക്കൂര്‍ നീണ്ട തീവ്ര പരിശ്രമത്തിനൊടുവില്‍ തീ നിയന്ത്രണവിധേയമാക്കി. സംഭവത്തില്‍ ആശുപത്രി ഭരണകൂടം അന്വേഷണത്തിന് ഉത്തരവിട്ടു.