വലിയ കുടുംബങ്ങള്‍ക്ക് സാമ്പത്തിക സഹായം നല്‍കുന്നതിനുള്ള സാധ്യത പരിഗണിക്കണം. കുടുംബത്തെ ഒരു യൂണിറ്റായി പരിഗണിച്ച് സംസ്ഥാന സര്‍ക്കാരിന് സാമ്പത്തിക സഹായം നല്‍കാന്‍ കഴിയും. ആന്ധ്രാപ്രദേശിലെ ജനനനിരക്ക് കുറയുന്നതില്‍ ആശങ്ക പ്രകടിപ്പിച്ച് മുഖ്യമന്ത്രി ചന്ദ്രബാബു നായിഡു

ഡല്‍ഹി: സംസ്ഥാനത്തെ ഫെര്‍ട്ടിലിറ്റി നിരക്കില്‍ ആശങ്ക പ്രകടിപ്പിച്ച് ആന്ധ്രാപ്രദേശ് മുഖ്യമന്ത്രി ചന്ദ്രബാബു നായിഡു. അതേസമയം, വലിയ കുടുംബങ്ങള്‍ക്ക് സാമ്പത്തിക സഹായം നല്‍കുന്ന കാര്യം സംസ്ഥാന സര്‍ക്കാര്‍ പരിഗണിക്കുന്നുണ്ടെന്ന് മുഖ്യമന്ത്രി പറഞ്ഞു.

അടുത്തിടെ ഒരു അഭിമുഖത്തിനിടെ, വലിയ കുടുംബങ്ങള്‍ക്ക് സംസ്ഥാന സര്‍ക്കാരിന് സാമ്പത്തിക സഹായം നല്‍കാന്‍ കഴിയുമെന്ന് അദ്ദേഹം സൂചിപ്പിച്ചു.

ആന്ധ്രാപ്രദേശില്‍, രണ്ടില്‍ കൂടുതല്‍ കുട്ടികളുള്ള ആളുകള്‍ പഞ്ചായത്ത്, മുനിസിപ്പല്‍ തിരഞ്ഞെടുപ്പുകളില്‍ മത്സരിക്കുന്നത് തടയാന്‍ നിയമം ഭേദഗതി ചെയ്തിട്ടുണ്ട്.

കുടുംബത്തെ ഒരു യൂണിറ്റായി പരിഗണിച്ച് സാമ്പത്തിക സഹായം നല്‍കുന്നതിനെക്കുറിച്ച് ഞാന്‍ ആലോചിക്കുന്നുണ്ട്. വലിയ കുടുംബങ്ങളെ പ്രോത്സാഹിപ്പിക്കാന്‍ കഴിയും.

അതേസമയം, ദാരിദ്ര്യരഹിത സംരംഭത്തെക്കുറിച്ചും അദ്ദേഹം പരാമര്‍ശിച്ചു. ആന്ധ്രാപ്രദേശിലെ ഫെര്‍ട്ടിലിറ്റി നിരക്ക് വര്‍ദ്ധിപ്പിക്കേണ്ടിവരുമെന്ന് അദ്ദേഹം പറഞ്ഞു. 

നിലവിലെ ഫെര്‍ട്ടിലിറ്റി നിരക്ക് കാരണം സംസ്ഥാനത്ത് നിരവധി പ്രശ്‌നങ്ങള്‍ ഉണ്ടാകുന്നുണ്ടെന്ന് അദ്ദേഹം പറഞ്ഞു. സ്ത്രീ ജീവനക്കാര്‍ക്ക് എത്ര തവണ വേണമെങ്കിലും പ്രസവാവധി എടുക്കാമെന്ന് അദ്ദേഹം അടുത്തിടെ പ്രഖ്യാപിച്ചിരുന്നു.