തമിഴ്നാട്ടിലെ അഴിമതി മറച്ചുവെക്കാൻ സ്റ്റാലിൻ്റെ നേതൃത്വത്തിൽ അതിർത്തി നിർണ്ണയ യോഗമെന്ന് ബിജെപി

ചെന്നൈ: ഡിഎംകെ വിളിച്ചുചേര്‍ത്ത അതിര്‍ത്തി നിര്‍ണ്ണയ യോഗത്തിനെതിരെ ബിജെപി രംഗത്ത്. തമിഴ്‌നാട്ടിലുടനീളം ബിജെപി കരിങ്കൊടി പ്രതിഷേധങ്ങള്‍ നടത്തി. ബിജെപി ഭരിക്കുന്ന സംസ്ഥാനങ്ങളില്‍ നിന്നുള്ള മുഖ്യമന്ത്രിമാരെയും പ്രതിനിധികളെയും യോഗത്തില്‍ ക്ഷണിച്ചിരുന്നു.

സംസ്ഥാനത്തിന്റെ യഥാര്‍ത്ഥ ആശങ്കകള്‍ പരിഹരിക്കുന്നതിനുപകരം ഡിഎംകെ ഒരു രാഷ്ട്രീയ നാടകം കളിക്കുകയാണെന്ന് ബിജെപി പ്രസിഡന്റ് കെ അണ്ണാമലൈ  ആരോപിച്ചു.

തമിഴ്നാടിനെ ബാധിക്കുന്ന അടിയന്തര പ്രശ്നങ്ങള്‍ അവഗണിച്ച് മറ്റ് ബിജെപി ഇതര സംസ്ഥാനങ്ങളുമായി സംസ്ഥാന അവകാശങ്ങളെക്കുറിച്ചുള്ള ചര്‍ച്ചകള്‍ക്ക് മുന്‍ഗണന നല്‍കിയതിന് മുഖ്യമന്ത്രി എംകെ സ്റ്റാലിനെ അദ്ദേഹം വിമര്‍ശിച്ചു.

തമിഴ്നാട് സ്റ്റേറ്റ് മാര്‍ക്കറ്റിംഗ് കോര്‍പ്പറേഷന്‍ (ടാസ്മാക്) അഴിമതി, സ്ത്രീകള്‍ക്കെതിരായ ലൈംഗിക പീഡന ആരോപണങ്ങള്‍, മറ്റ് ഭരണ പരാജയങ്ങള്‍ എന്നിവയില്‍ നിന്ന് പൊതുജനശ്രദ്ധ തിരിക്കാന്‍ ഡിഎംകെ ശ്രമിക്കുന്നുവെന്നും അദ്ദേഹം ആരോപിച്ചു.