മഹാരാഷ്ട്ര പോലീസ് 58.13 കോടി രൂപയുടെ ഡിജിറ്റൽ അറസ്റ്റ് തട്ടിപ്പ് കണ്ടെത്തി; ഏഴ് പേർ അറസ്റ്റിൽ

മുംബൈ:  മുംബൈയില്‍ നിന്നുള്ള 72 വയസ്സുള്ള ഒരു ബിസിനസുകാരനില്‍ നിന്ന് 58.13 കോടി തട്ടിയെടുത്തു.

ഇന്ത്യയില്‍ ഇതുവരെ റിപ്പോര്‍ട്ട് ചെയ്യപ്പെട്ടതില്‍ വച്ച് ഏറ്റവും വലിയ ഡിജിറ്റല്‍ അറസ്റ്റ് തട്ടിപ്പാണിത്. ഇതോടെ മഹാരാഷ്ട്ര പോലീസ് റാക്കറ്റില്‍ ഉള്‍പ്പെട്ട ഏഴ് പേരെ അറസ്റ്റ് ചെയ്യുകയും ചെയ്തു.

നിയമപാലകരായി വേഷംമാറി, വ്യാജ അക്കൗണ്ടുകളിലേക്ക് പണം ട്രാന്‍സ്ഫര്‍ ചെയ്യാന്‍ ഇരകളെ കബളിപ്പിച്ചാണ് തട്ടിപ്പുകാര്‍ തട്ടിപ്പ് നടത്തിയത്.

ഡിജിറ്റലായി അറസ്റ്റ് ചെയ്യപ്പെട്ടതിനെക്കുറിച്ചും പണം നഷ്ടപ്പെട്ടതിനെക്കുറിച്ചും പരാതിയുമായി സമീപിച്ചതിനെത്തുടര്‍ന്ന്, മഹാരാഷ്ട്ര സംസ്ഥാന സൈബര്‍ വകുപ്പിലെ അഡീഷണല്‍ ഡയറക്ടര്‍ ജനറല്‍ ഓഫ് പോലീസിന്റെ ഓഫീസ് ബഹുമുഖ അന്വേഷണം ആരംഭിച്ചു.

ഈ കേസില്‍, മഹാരാഷ്ട്ര സൈബര്‍ സെക്ഷന്‍ 61(2), 112, 126(2), 204, 205, 308(2), 316(2), 318(4), 336(2), 336(2), 338, 340(2), 351(2) ഭാരതീയ ന്യായ സംഹിത, 2023 r/w 66(C), 66(D) ഇന്‍ഫര്‍മേഷന്‍ ടെക്‌നോളജി ആക്ട്, 2000 പ്രകാരം ക്രിമിനല്‍ കുറ്റം രജിസ്റ്റര്‍ ചെയ്തിട്ടുണ്ട്.