കുട്ടികളില്ലാത്തതിനെ ചൊല്ലി തർക്കം രൂക്ഷമായി. ഭർത്താവിന്റെ ജനനേന്ദ്രിയം രണ്ടാം ഭാര്യ മുറിച്ചു മാറ്റി. യുവതി അറസ്റ്റിൽ, സംഭവം യുപിയിൽ

ലഖ്നൗ: യുപിയിൽ കുടുംബ വഴക്കിനിടെ യുവതി ഭർത്താവിന്റെ ജനനേന്ദ്രിയം മുറിച്ചു മാറ്റിയതായി പരാതി. അമേഠിയിലെ ജ​ഗദീഷ്പുരിലെ ഫസൻ​ഗൻജ് കച്നാവ് ​ഗ്രാമത്തിലാണ് സംഭവം. 

ശനിയാഴ്ച രാത്രിയാണ് ആക്രമണം. അൻസാർ അഹമദ് (38) എന്നയാൾക്കാണ് പരിക്കേറ്റത്. ഇയാൾക്ക് രണ്ട് ഭാര്യമാരുണ്ട്. രണ്ടാം ഭാര്യയിൽ നിന്നാണ് ഉപദ്രവം നേരിട്ടതെന്നു പൊലീസ് വ്യക്തമാക്കി.

സേബ്ജോൾ, നസ്നീൻ ബാനു എന്നിവരാണ് അൻസാറിന്റെ ഭാ​ര്യമാർ. ഇതിൽ നസ്നീനാണ് അൻസാറിനെ ആക്രമിച്ചത്. രണ്ട് ഭാര്യമാരിലും അൻസാറിനു കുട്ടികൾ ഇല്ല. 

ഇതേച്ചൊല്ലി വീട്ടിൽ വഴക്കു പതിവാണെന്നു പരിസരവാസികൾ പറയുന്നു. അത്തരമൊരു വാക്കു തർക്കമാണ് കഴിഞ്ഞ ദിവസവും ഉണ്ടായത്. അതിനിടെയാണ് നസ്നീൻ കത്തി ഉപയോ​ഗിച്ച് ഭർത്താവിനെ ആക്രമിച്ചത്.

ഗുരുതരമായി പരിക്കേറ്റ അൻസാറിനെ നാട്ടുകാർ ചേർന്നു ജ​ഗദീഷ്പുരിലെ സാമൂഹിക ആരോ​ഗ്യ കേന്ദ്രത്തിൽ പ്രവേശിപ്പിച്ചു. 

പിന്നീട് വിദ​ഗ്ധ ചികിത്സയ്ക്കായി റായ്ബറേലിയിലെ എയിംസ് ആശുപത്രിയിലേക്ക് മാറ്റി. സംഭവത്തിവൽ നസ്നീനെ പൊലീസ് അറസ്റ്റ് ചെയ്തു. ഇവരെ ചോദ്യം ചെയ്യുന്നു.