കേന്ദ്ര സർക്കാരിന്റെ 'മുഴുവൻ യന്ത്രങ്ങളും' രാജ്യത്തിന്റെ പുരോഗതിയെ തടസ്സപ്പെടുത്തുന്നു. സോനം വാങ്ചുക്കിനെതിരായ ആരോപണങ്ങളെ അപലപിച്ച് അരവിന്ദ് കെജ്‌രിവാൾ

ഡല്‍ഹി: സോനം വാങ്ചുക്കിനെതിരായ ആരോപണങ്ങളെ ആം ആദ്മി പാര്‍ട്ടി ദേശീയ കണ്‍വീനര്‍ അരവിന്ദ് കെജ്രിവാള്‍ അപലപിച്ചു.

രാജ്യത്തിന്റെ പുരോഗതിയെക്കുറിച്ച് ചിന്തിക്കുന്ന വ്യക്തിയെ ഉപദ്രവിക്കുന്നതിനായി കേന്ദ്ര സര്‍ക്കാര്‍ തങ്ങളുടെ 'മുഴുവന്‍ സംവിധാനവും' ഉപയോഗിക്കുകയാണെന്ന് അദ്ദേഹം പറഞ്ഞു.

'സോനം വാങ്ചുക്കിനെക്കുറിച്ച് വായിക്കുക. രാജ്യത്തെക്കുറിച്ച് ചിന്തിക്കുന്ന വിദ്യാഭ്യാസത്തെക്കുറിച്ച് ചിന്തിക്കുന്ന, പുതിയ കണ്ടുപിടുത്തങ്ങള്‍ നടത്തുന്ന വ്യക്തിയെ ഇന്ന് കേന്ദ്ര സര്‍ക്കാരിന്റെ മുഴുവന്‍ സംവിധാനങ്ങളും വളരെ വിലകുറഞ്ഞ രാഷ്ട്രീയത്തിന് കീഴില്‍ പീഡിപ്പിക്കുകയാണ്. എക്സിലെ ഒരു പോസ്റ്റില്‍ കെജ്രിവാള്‍ എഴുതി.

രാജ്യത്തിന്റെ കടിഞ്ഞാണ്‍ ഇത്തരക്കാരുടെ കൈകളിലാണെന്ന് അറിയുമ്പോള്‍ വളരെ സങ്കടം തോന്നുന്നു. അത്തരമൊരു രാജ്യം എങ്ങനെ പുരോഗമിക്കും?'' - പോസ്റ്റില്‍ പറയുന്നു.