ഗവായ് നവംബര്‍ 23 ന് വിരമിക്കുന്നു. പുതിയ ചീഫ് ജസ്റ്റിസിനെ നിയമിക്കാനുള്ള നടപടികള്‍ കേന്ദ്രം ആരംഭിച്ചു: ജസ്റ്റിസ് സൂര്യകാന്ത് അടുത്ത ചീഫ് ജസ്റ്റിസാകും

ഡല്‍ഹി: ഗവായി നവംബര്‍ 23 ന് വിരമിക്കുന്നതിനാല്‍, ഇന്ത്യയുടെ അടുത്ത ചീഫ് ജസ്റ്റിസിനെ നിയമിക്കുന്നതിനുള്ള നടപടികള്‍ കേന്ദ്ര സര്‍ക്കാര്‍ ആരംഭിച്ചതായി വാര്‍ത്താ ഏജന്‍സിയായ പിടിഐ റിപ്പോര്‍ട്ട് ചെയ്തു.

ജസ്റ്റിസ് ഗവായിയുടെ പിന്‍ഗാമിയെ പ്രഖ്യാപിക്കണമെന്ന് ആവശ്യപ്പെട്ടുള്ള കത്ത് ഇന്ന് വൈകുന്നേരമോ വെള്ളിയാഴ്ചയോ കൈമാറും.

ചീഫ് ജസ്റ്റിസ് കഴിഞ്ഞാല്‍ ഏറ്റവും മുതിര്‍ന്ന ജഡ്ജിയാണ് ജസ്റ്റിസ് സൂര്യകാന്ത്, ഇന്ത്യന്‍ ജുഡീഷ്യറിയുടെ തലവനാകാന്‍ സാധ്യതയുള്ള അടുത്ത വ്യക്തിയാണ് അദ്ദേഹം.

നിയമിതനായിക്കഴിഞ്ഞാല്‍ ജസ്റ്റിസ് സൂര്യകാന്ത് നവംബര്‍ 24 ന് അടുത്ത ചീഫ് ജസ്റ്റിസായി സ്ഥാനമേല്‍ക്കും. 2027 ഫെബ്രുവരി 9 വരെ ഏകദേശം 15 മാസം അദ്ദേഹം ഈ സ്ഥാനത്ത് തുടരും.