ബിഎസ്പിയിൽ ചേരുമെന്ന അഭ്യൂഹങ്ങൾക്കിടെ അഖിലേഷ് യാദവ് ഇന്ന് രാംപൂരിൽ അസം ഖാനെ കാണും

റാംപൂര്‍: സമാജ്വാദി പാര്‍ട്ടി മേധാവി അഖിലേഷ് യാദവ് ഇന്ന് മുതിര്‍ന്ന പാര്‍ട്ടി നേതാവ് അസം ഖാനെ രാംപൂരിലെ വസതിയില്‍ വെച്ച് കാണും . ശിക്ഷിക്കപ്പെട്ട് ഏകദേശം 23 മാസങ്ങള്‍ക്ക് ശേഷം സെപ്റ്റംബര്‍ 22 ന് ഖാന്‍ സീതാപൂര്‍ ജയിലില്‍ നിന്ന് മോചിതനായതിനുശേഷം ഇരു നേതാക്കളും തമ്മിലുള്ള ആദ്യ കൂടിക്കാഴ്ചയാണിത്.

യോഗത്തിന് മുമ്പ്, അഖിലേഷ് യാദവിനെ മാത്രമേ കാണൂ എന്ന് അസം ഖാന്‍ പറഞ്ഞു. റാംപൂര്‍ എംപി മൗലാന മൊഹിബുല്ല നദ്വിയുമായുള്ള കൂടിക്കാഴ്ചയെക്കുറിച്ച് ചോദിച്ചപ്പോള്‍, അദ്ദേഹത്തെ അറിയില്ലെന്നായിരുന്നു അദ്ദേഹത്തിന്റെ മറുപടി.

അഖിലേഷ് യാദവ് എന്നെ കാണും, ഞാന്‍ അദ്ദേഹത്തെ മാത്രമേ കാണൂ,' അദ്ദേഹം പറഞ്ഞു.

മായാവതി നയിക്കുന്ന ബിഎസ്പിയില്‍ ചേരാന്‍ സാധ്യതയുണ്ടെന്ന അഭ്യൂഹങ്ങള്‍ക്കിടെയാണ് ഇരു നേതാക്കളുടെയും കൂടിക്കാഴ്ച നടക്കുന്നത്. എന്നാല്‍, ഈ അവകാശവാദങ്ങള്‍ നിഷേധിച്ച അദ്ദേഹം, സമാജ്വാദി പാര്‍ട്ടിയില്‍ തന്നെ തുടരുമെന്ന് പറഞ്ഞു.

'നമുക്ക് സ്വഭാവം എന്നൊന്നുണ്ട്. സ്വഭാവം എന്നാല്‍ നമ്മള്‍ ഒരു പദവി വഹിക്കുന്നുണ്ടോ ഇല്ലയോ എന്നല്ല; അതിനര്‍ത്ഥം ആളുകള്‍ നമ്മളെ സ്‌നേഹിക്കുകയും ബഹുമാനിക്കുകയും ചെയ്യുന്നു എന്നാണ്. നമ്മള്‍ വില്‍പ്പനയ്ക്കുള്ളവരല്ല, അത് ഞങ്ങള്‍ തെളിയിച്ചിട്ടുണ്ട്. അദ്ദേഹം പറഞ്ഞു.