അസം അക്രമം: വെസ്റ്റ് കർബി ആംഗ്ലോങ്ങിൽ സൈന്യത്തെ വിന്യസിച്ചു, സ്ഥിതിഗതികൾ പൂർണ്ണമായും സാധാരണമാണെന്ന് മുഖ്യമന്ത്രി

ഗുവാഹത്തി: അസമിലെ വെസ്റ്റ് കര്‍ബി ആംഗ്ലോങ് ജില്ലയില്‍ ക്രമസമാധാന പാലനത്തിനായി സൈന്യത്തെ വിന്യസിച്ചിട്ടുണ്ടെന്ന് പോലീസ് ഡയറക്ടര്‍ ജനറല്‍ പറഞ്ഞു. 

ഏറ്റവും കൂടുതല്‍ നാശനഷ്ടമുണ്ടായ ഖേറോണി പ്രദേശത്ത് മാധ്യമപ്രവര്‍ത്തകരോട് സംസാരിച്ച സിംഗ്, അക്രമത്തില്‍ ഏര്‍പ്പെടരുതെന്ന് ജനങ്ങളോട് അഭ്യര്‍ത്ഥിക്കുകയും, 'വഴിതെറ്റിയ' യുവാക്കളെ സംഭാഷണത്തിലൂടെ മാത്രമേ പ്രശ്‌നങ്ങള്‍ പരിഹരിക്കാന്‍ കഴിയൂ എന്ന് മനസ്സിലാക്കാന്‍ സമൂഹത്തിലെ മുതിര്‍ന്നവരോട് ആവശ്യപ്പെടുകയും ചെയ്തു.

'സൈനിക നിരകള്‍ ഇവിടെ എത്തിയിട്ടുണ്ട്, അവര്‍ ഈ പ്രദേശങ്ങളിലൂടെ മാര്‍ച്ച് ചെയ്തിട്ടുണ്ട്. സ്ഥിതി ഇപ്പോള്‍ പൂര്‍ണ്ണമായും നിയന്ത്രണത്തിലാണ്,' അദ്ദേഹം പറഞ്ഞു.

അസമിലെ കര്‍ബി ആംഗ്ലോങ്ങില്‍ നടന്ന അക്രമത്തില്‍ കൊല്ലപ്പെട്ട രണ്ട് പേരെക്കുറിച്ച് അസം മുഖ്യമന്ത്രി ഹിമന്ത ബിശ്വ ശര്‍മ്മ പറഞ്ഞു, 'ഇന്ന് സ്ഥിതി മെച്ചപ്പെട്ടു.

രണ്ട് ഗ്രൂപ്പുകളും പരസ്പരം സംസാരിക്കുന്നുണ്ട്, ഞങ്ങളുടെ മുതിര്‍ന്ന ഉദ്യോഗസ്ഥര്‍ അവിടെയുണ്ട്. ഇന്നത്തെ സ്ഥിതി തികച്ചും സാധാരണമാണ്, ആളുകള്‍ കടകളിലേക്കും തെരുവുകളിലേക്കും വരുന്നു. 

വരും ദിവസങ്ങളില്‍ കൂടുതല്‍ മെച്ചപ്പെട്ട സാഹചര്യം നമുക്ക് കാണാന്‍ കഴിയുമെന്ന് ഞാന്‍ കരുതുന്നു. ഇന്നലെ പോലീസ് വെടിവയ്പ്പ് കാരണം ഒരാള്‍ മരിച്ചു.

പ്രക്ഷോഭകര്‍ കുറച്ച് വീടുകളും കടകളും കത്തിച്ചതിനാല്‍, ശാരീരിക വെല്ലുവിളി നേരിടുന്ന ഒരാള്‍ക്ക് വീട്ടില്‍ നിന്ന് പുറത്തിറങ്ങാന്‍ കഴിഞ്ഞില്ല, അയാളെ ജീവനോടെ ചുട്ടുകൊന്നു. ഇതുവരെ, രണ്ട് പേര്‍ മരിച്ചു, അദ്ദേഹം പറഞ്ഞു.