ഡല്ഹി: ഭീകരവാദത്തിനെതിരെ പ്രധാനമന്ത്രി നരേന്ദ്ര മോദിയുടെ നേതൃത്വത്തിലുള്ള ബിജെപി സര്ക്കാര് സ്വീകരിക്കുന്ന ശക്തമായ നിലപാടിനെ അഭിനന്ദിച്ച് മുന് ഇന്ത്യന് എയര്ഫോഴ്സ് മേധാവിയും ബിജെപി നേതാവുമായ എയര് ചീഫ് മാര്ഷല് ആര്കെഎസ് ബദൗരിയ രംഗത്ത്.
ഭീകരതയ്ക്കെതിരെ സഹിഷ്ണുതയില്ലെന്ന് ബദൗരിയ വ്യക്തമാക്കി.ബിജെപി അധികാരമേറ്റതിനുശേഷം തീവ്രവാദത്തിനെതിരെ വ്യക്തമായ നയമാണ് നടപ്പാക്കുന്നതെന്ന് ബദൗരിയ പറഞ്ഞു. നിയന്ത്രണ രേഖയ്ക്ക് കുറുകെ നടത്തിയ സര്ജിക്കല് സ്ട്രൈക്കുകള് ഉള്പ്പെടെയുള്ള ദ്രുത പ്രതികരണങ്ങളും അദ്ദേഹം എടുത്തു പറഞ്ഞു.ഉത്തര്പ്രദേശിലെ ഫത്തേപൂര് സിക്രിയില് വാര്ത്താ ഏജന്സിയായ എഎന്ഐയോട് സംസാരിക്കുകയായിരുന്നു അദ്ദേഹം .
ബിജെപി അധികാരത്തിലെത്തിയപ്പോള് ഭീകരതയ്ക്കെതിരെ സഹിഷ്ണുതയില്ലാത്ത വ്യക്തമായ നയമാണ് പ്രധാനമന്ത്രി പ്രഖ്യാപിച്ചത്. ഒരു ആക്രമണം നടത്തി ഭീകരര് അതിര്ത്തിക്കപ്പുറത്ത് ഒളിച്ചപ്പോള് നിയന്ത്രണരേഖയ്ക്ക് കുറുകെ സര്ജിക്കല് സ്ട്രൈക്ക് നടത്തി.
പുല്വാമ ഭീകരാക്രമണം ഉണ്ടായപ്പോള് അതിര്ത്തിക്കപ്പുറമുള്ള ലോഞ്ച്പാഡുകള് മണ്ണിനടിയിലായി. ആ സമയത്താണ് ബാലാകോട്ട് ആക്രമണം നടന്നത്. അതൊരു സുപ്രധാന ചുവടും ശക്തമായ സന്ദേശവുമായിരുന്നുവെന്നും അതിനു ശേഷം അങ്ങനെയൊരു ഭീകര സംഭവം ഉണ്ടായിട്ടില്ലെന്നും ബദൗരിയ പറഞ്ഞു.
പാക് വ്യോമസേനയുടെയും സൈന്യത്തിന്റെയും സംരക്ഷണം തകര്ത്താണ് ഈ വ്യോമാക്രമണം നടത്തിയത്, ഞങ്ങള്ക്ക് ഒരു നഷ്ടവും ഉണ്ടായില്ല. വിജയകരമായ ഒരു ഓപ്പറേഷന് ആയിരുന്നു നടന്നതെന്നും അദ്ദേഹം വ്യക്തമാക്കി.
എല്ലാ സാഹചര്യങ്ങളും നേരിടാന് ഞങ്ങള് തയ്യാറായിരുന്നു. നമ്മുടെ നാട്ടില് ആരെങ്കിലും ഭീകരത പടര്ത്തിയാല് അവര് എവിടെ ഒളിച്ചാലും അവരെ കണ്ടെത്തും. ഞങ്ങള് തീവ്രവാദത്തെ വെച്ചുപൊറുപ്പിക്കില്ല, ബദൗരിയ പറഞ്ഞു.
പുല്വാമ ഭീകരാക്രമണത്തിന് ശേഷം മണ്ണിനടിയിലായ ലോഞ്ച്പാഡുകള് നിര്വീര്യമാക്കുന്നതിനുള്ള വിജയകരമായ ശ്രമങ്ങളെയും അദ്ദേഹം ചൂണ്ടിക്കാട്ടി. ഇന്ത്യന് ഭാഗത്ത് യാതൊരു നഷ്ടവും വരുത്താതെ പാക്കിസ്ഥാന്റെ വ്യോമസേനയുടെയും കരസേനയുടെയും പ്രതിരോധം തുളച്ചുകയറിയാണ് ഇത് നടപ്പിലാക്കിയതെന്നും ഇത് വിജയകരമായ ഒരു ഓപ്പറേഷനായിരുന്നുവെന്നും അദ്ദേഹം വ്യക്തമാക്കി.
#WATCH | Fatehpur Sikri, UP: BJP leader and former IAF chief, Air Chief Marshal RKS Bhadauria (Retd.), says, "When BJP came to power, PM Modi made a clear policy of zero tolerance against terrorism. When a terror incident occurred and perpetrators hid across the border, a… pic.twitter.com/orXdtHZlt0
— ANI (@ANI) April 22, 2024