കള്ള പാസ്പോർട്ടുമായി ഇന്ത്യയിൽ താമസം; ബംഗ്ലാദേശി പോൺ താരം അറസ്റ്റിൽ

ഡൽഹി: അനധികൃതമായി ഇന്ത്യയിൽ താമസിച്ച ബംഗ്ലാദേശി പോൺ താരം അറസ്റ്റിൽ. മഹാരാഷ്ട്ര താനെ ജില്ലയിലെ ഉല്ലാസ് നഗറിൽ നിന്നാണ് ആരോഹി ബർദെ എന്നറിയപ്പെടുന്ന റിയ ബർദയെ ഹില്‍ ലൈന്‍ പോലീസ് അറസ്റ്റ് ചെയ്യുന്നത്.

വ്യാജ പാസ്പോർട്ടുമായി ഇന്ത്യയിൽ താമസിക്കുകയായിരുന്നു താരം. രഹസ്യവിവരത്തിൻ്റെ അടിസ്ഥാനത്തിൽ നടത്തിയ പരിശോധനയിലാണ് താരം പിടിയിലായത്.

മുംബൈയില്‍ നിന്ന് 50 കിലോമീറ്റര്‍ അകലെയുള്ള ഉല്ലാസ് നഗറിലാണ് ഇവർ താമസിച്ചിരുന്നത്. താനെയിലെ അംബർനാഥിൽ ഒരു ബംഗ്ലാദേശി കുടുംബം വ്യാജ രേഖകൾ ഉപയോഗിച്ച് താമസിക്കുന്നു എന്നായിരുന്നു പോലീസിന് ലഭിച്ച രഹസ്യ വിവരം.

റിയ ബംഗ്ലാദേശ് സ്വദേശിയാണെന്നും രാജ്യത്ത് അനധികൃതമായി താമസിക്കുകയാണെന്നും റിയയുടെ സുഹൃത്ത് മനസ്സിലാക്കുകയും പോലീസിൽ വിവരമറിയിക്കുകയുമായിരുന്നു.

റിയ ബർദെയുടെ അമ്മയ്ക്കും അച്ഛനും സഹോദരങ്ങൾക്കുമായി തിരച്ചിൽ പുരോഗമിക്കുകയാണ്. റിയയുടെ അച്ഛനും അമ്മയും ഇപ്പോൾ ഖത്തറിലാണ് താമസം.  

അമ്മ റൂബി ഷെയ്ഖ് എന്ന അഞ്ജലി ബർദെ, അച്ഛൻ അരവിന്ദ് ബർദെ, സഹോദരൻ റിയാസ് ഷെയ്ഖ് എന്ന രവീന്ദ്ര, സഹോദരി മോനി ഷെയ്ഖ് എന്ന ഋതു എന്നിവർക്കെതിരെ പോലീസ് കേസെടുത്തിട്ടുണ്ട്.