വനിതാ പോലീസുകാരിയെ കൊലപ്പെടുത്തി മൃതദേഹം ദേശീയപാതയുടെ വശത്ത് ഉപേക്ഷിച്ച നിലയില്‍

ബരാബങ്കി: വനിതാ പോലീസ് ഉദ്യോഗസ്ഥയെ കൊലപ്പെടുത്തി മൃതദേഹം ലഖ്നൗ-ബഹ്റൈച്ച് ഹൈവേയുടെ വശത്ത് വലിച്ചെറിഞ്ഞ നിലയില്‍ കണ്ടെത്തി. വിവരം ലഭിച്ചയുടനെ പോലീസ് സൂപ്രണ്ട് അര്‍പിത് വിജയ് വര്‍ഗിയ സംഭവസ്ഥലം പരിശോധിച്ചു.

ബുധനാഴ്ച രാവിലെ മസൗലി പോലീസ് സ്റ്റേഷന് കീഴിലുള്ള ബിന്ദൗരയിലെ ഹൈവേയുടെ വശത്ത് മൃതദേഹം കണ്ടെത്തി.

മസൗലി പോലീസ് സ്ഥലത്തെത്തിയപ്പോള്‍ മൃതദേഹം ഒരു പോലീസുകാരിയുടെതാണെന്ന് തിരിച്ചറിഞ്ഞു. യൂണിഫോമിലെ നെയിം പ്ലേറ്റില്‍ വിമലേഷ് എന്ന പേര് എഴുതിയിരുന്നു.

മൃതദേഹം അര്‍ദ്ധനഗ്‌നമായ നിലയിലായിരുന്നു. എസ്എച്ച്ഒ മസൗലി സുധീര്‍ കുമാര്‍ സിംഗ് സംഭവത്തെക്കുറിച്ച് ഉന്നത അധികാരികളെ അറിയിച്ചു. പോലീസ് സൂപ്രണ്ട് സ്ഥലത്തെത്തി പരിശോധന നടത്തി.

നെയിംപ്ലേറ്റില്‍ വിമലേഷ് എന്ന് എഴുതിയിട്ടുണ്ടെന്ന് എസ്പി പറഞ്ഞു. മൃതദേഹം വിമലേഷിന്റേതാണോ അതോ മറ്റാരുടേതാണോ എന്ന് സ്ഥിരീകരിക്കാനുള്ള ശ്രമങ്ങള്‍ നടന്നുവരികയാണ്. മരണകാരണം പോസ്റ്റ്മോര്‍ട്ടം റിപ്പോര്‍ട്ടില്‍ നിന്ന് മാത്രമേ വ്യക്തമാകൂ.