മിഥുൻ മൻഹാസ് പുതിയ ബിസിസിഐ പ്രസിഡന്റാകും

ദുബായ്: സെപ്റ്റംബര്‍ 28 ന് നടക്കുന്ന വാര്‍ഷിക പൊതുയോഗത്തിന് (എജിഎം) മുന്നോടിയായി ഒഴിവുള്ള ബോര്‍ഡ് സ്ഥാനങ്ങളിലേക്ക് സ്ഥാനാര്‍ത്ഥികളെ അന്തിമമാക്കുന്നതിനായി ബിസിസിഐ യോഗം ചേര്‍ന്നു.

പരിഗണനയിലുള്ളവരെ യോഗത്തിലേക്ക് ക്ഷണിച്ചതായി വൃത്തങ്ങള്‍ അറിയിച്ചു. ജമ്മു ക്രിക്കറ്റ് അസോസിയേഷനില്‍ നിന്നുള്ള മുന്‍ ക്രിക്കറ്റ് താരം മിഥുന്‍ മന്‍ഹാസ് ബിസിസിഐ പ്രസിഡന്റാകും, രാജീവ് ശുക്ല വൈസ് പ്രസിഡന്റ് എന്ന നിലയില്‍ പഴയ സ്ഥാനത്ത് തുടരും.

അതേസമയം, കര്‍ണാടക സ്റ്റേറ്റ് ക്രിക്കറ്റ് അസോസിയേഷന്‍ (കെഎസ്സിഎ) പ്രസിഡന്റ് രഘുറാം ഭട്ട് ട്രഷറര്‍ ആയേക്കും. മുന്‍ ഇന്ത്യന്‍ സ്പിന്നര്‍ ഭട്ടിന്റെ കെഎസ്സിഎ പ്രസിഡന്റ് കാലാവധി സെപ്റ്റംബര്‍ 30 ന് അവസാനിക്കും.

ദേവ്ജിത് സൈകിയ സെക്രട്ടറിയായി തുടരും, പ്രഭ്‌തേജ് ഭാട്ടിയ ജോയിന്റ് സെക്രട്ടറിയായേക്കും. അരുണ്‍ സിംഗ് ധുമാല്‍ വീണ്ടും ഐപിഎല്‍ ചെയര്‍മാനായി തുടരുമെന്ന് പ്രതീക്ഷിക്കുന്നു.

പഞ്ചാബ് ക്രിക്കറ്റ് അസോസിയേഷന്റെ പ്രതിനിധിയായി വാര്‍ഷിക പൊതുയോഗത്തിലേക്ക് അയച്ച മുന്‍ ഇന്ത്യന്‍ സ്പിന്നര്‍ ഹര്‍ഭജന്‍ സിംഗ് യോഗത്തില്‍ പങ്കെടുത്തില്ല.