വാഹന പരിശോധനക്കിടെ കർണാടക ഉപമുഖ്യമന്ത്രി ഡി കെ ശിവകുമാറിനു പിഴ. ഉപ മുഖ്യമന്ത്രി 34 ഗതാഗത നിയമലംഘനങ്ങളാണ് ചുരുങ്ങിയ യാത്രക്കിടെ സൃഷ്ടിച്ചത്. 18500 രൂപ പിഴ ചുമത്തി

ബംഗളൂരു: ഹെബ്ബാൾ മേൽപ്പാലം ലൂപ്പിന്‍റെ പരിശോധനക്കിടെ കർണാടക ഉപമുഖ്യമന്ത്രി ഡി കെ ശിവകുമാർ ചൊവ്വാഴ്ച ഓടിച്ച ഇരുചക്ര വാഹനത്തിനെതിരെ 34 ഗതാഗത നിയമലംഘന കേസുകളും ആകെ 18,500 രൂപ പിഴയും ചുമത്തി. 

ബംഗളൂരു ട്രാഫിക് പൊലീസ് വെബ്‌സൈറ്റിലൂടെയാണ് ഈ വിവരങ്ങൾ പുറത്തുവിട്ടത്. ഹെൽമെറ്റ് ഇല്ലാതെ വാഹനമോടിക്കുക, വാഹനമോടിക്കുമ്പോൾ മൊബൈൽ ഫോൺ ഉപയോഗിക്കുക, നിരോധിത മേഖലകളിലോ വൺവേ മേഖലകളിലോ പ്രവേശിക്കുക തുടങ്ങിയ ഒന്നിലധികം നിയമലംഘനങ്ങൾനടത്തിയതായി ട്രാഫിക് പൊലീസ് കണ്ടെത്തി.