/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/11/20/untitled-2025-11-20-09-40-43.jpg)
ബെംഗളൂരു: ബെംഗളൂരുവില്‍ വന്‍ എടിഎം കവര്‍ച്ച. ജെപി നഗര്‍, എംജി ടവര്‍, സരക്കി മെയിന്‍ റോഡ്, ഐടിഐ ലേഔട്ട് എന്നിവയുള്‍പ്പെടെ വിവിധ സ്ഥലങ്ങളിലുള്ള എച്ച്ഡിഎഫ്‌സി ബാങ്ക് കറന്‍സി ചെസ്റ്റുകളില്‍ നിന്ന് നഗരത്തിലുടനീളമുള്ള വിവിധ എടിഎമ്മുകളിലേക്ക് കമ്പനി ദിവസവും പണം എത്തിക്കാറുണ്ടെന്ന് ബെംഗളൂരുവിലെ എച്ച്ബിആര്‍ ലേഔട്ടിലെ സിഎംഎസ് ഇന്നോ സിസ്റ്റം ലിമിറ്റഡിന്റെ ബ്രാഞ്ച് മാനേജര്‍ വിനോദ് ചന്ദ്രര്‍ പറയുന്നു.
സംഭവദിവസം രാവിലെ 9:30 ഓടെ, കസ്റ്റോഡിയന്‍ അഫ്താബിന്റെ മേല്‍നോട്ടത്തില്‍ ഡ്രൈവര്‍ ബിനോദ് കുമാറും ഗണ്‍മാന്‍മാരായ രാജണ്ണ, തമ്മയ്യ എന്നിവരുമായി ഒരു ടാറ്റ യോദ്ധ വാഹനം ബാങ്ക് ജോലികള്‍ക്കായി അയച്ചു.
ഉച്ചയ്ക്ക് 12:24 ഓടെ, ജെപി നഗറിലെ എച്ച്ഡിഎഫ്‌സി കറന്‍സി ചെസ്റ്റില്‍ നിന്ന് 7,11,00,000 രൂപ (ഏഴ് കോടി പതിനൊന്ന് ലക്ഷം) പിന്‍വലിക്കുകയും പെട്ടികളിലായി പായ്ക്ക് ചെയ്ത് ടാറ്റ യോദ്ധ വാനിലേക്ക് കയറ്റുകയും ചെയ്തു.
ബ്രാഞ്ച് മാനേജര്‍ വിനോദ് ചന്ദ്രറും സിഎംഎസ് എഫ്‌ഐടി മാനേജര്‍ ഫാറൂഖ് പാഷയും ബ്രാഞ്ചിലുണ്ടായിരുന്നപ്പോള്‍, ഡ്രൈവര്‍ ബിനോദ് കുമാര്‍ ഫാറൂഖ് പാഷയെ വിളിച്ച് ജയനഗറില്‍ നിന്ന് ലാല്‍ബാഗ് സിദ്ധാപുര ഗേറ്റിലേക്കുള്ള റൂട്ടില്‍ അശോക സ്തംഭത്തിന് സമീപം ഒരു വെളുത്ത ഇന്നോവ കാര്‍ അവരുടെ വാന്‍ നിര്‍ത്തിയതായി അറിയിച്ചു.
ആര്‍ബിഐ ഉദ്യോഗസ്ഥരാണെന്ന് അവകാശപ്പെട്ട് ഏകദേശം 5 മുതല്‍ 6 വരെ പേര്‍ കാറില്‍ നിന്ന് ഇറങ്ങി വാന്‍ ജീവനക്കാരോട് പുറത്തിറക്കാന്‍ ഉത്തരവിട്ടു. അവര്‍ കസ്റ്റോഡിയന്‍ അഫ്താബിനെയും ഗണ്‍മാന്‍മാരായ രാജണ്ണയെയും തമ്മയ്യയെയും ബലമായി അവരുടെ ഇന്നോവയില്‍ കയറ്റി, പണം നിറച്ച വാന്‍ ഓടിക്കാന്‍ ഡ്രൈവര്‍ ബിനോദ് കുമാറിനെ നിര്‍ബന്ധിച്ചു.
തുടര്‍ന്ന്, ബിനോദ് കുമാറിനെ പിസ്റ്റള്‍ കാട്ടി ഭീഷണിപ്പെടുത്തി കൊള്ളക്കാര്‍ വാനിലുണ്ടായിരുന്ന 7.11 കോടി രൂപ മുഴുവന്‍ കൊള്ളയടിച്ച് കടന്നുകളഞ്ഞു.
ബുധനാഴ്ച ഉച്ചയ്ക്ക് സിദ്ധാപുര പോലീസ് സ്റ്റേഷന്‍ പരിധിയിലുള്ള സൗത്ത് ഡിവിഷനിലാണ് കവര്‍ച്ച നടന്നതെന്ന് ബെംഗളൂരു സിറ്റി പോലീസ് കമ്മീഷണര്‍ സീമന്ത് കുമാര്‍ സിംഗ് പറഞ്ഞു. ഡിസിപി (സൗത്ത്), ജോയിന്റ് കമ്മീഷണര്‍ (വെസ്റ്റ്) എന്നിവരുള്‍പ്പെടെയുള്ള മുതിര്‍ന്ന ഉദ്യോഗസ്ഥര്‍ അന്വേഷണത്തിന് മേല്‍നോട്ടം വഹിക്കുന്നുണ്ട്, ഏകദേശം 7 കോടി രൂപ കൊള്ളയടിക്കപ്പെട്ടതായി പ്രാഥമിക വിവരങ്ങള്‍ സൂചിപ്പിക്കുന്നു.