കർണാടക ഹൈക്കോടതി ചീഫ് ജസ്റ്റിസിന് മുന്നിൽ ആത്മഹത്യാശ്രമം; അന്വേഷണത്തിന് ഉത്തരവിട്ട് ​ഹൈക്കോടതി

കർണാടക: ഹൈക്കോടതി ചീഫ് ജസ്റ്റിസ് നിലയ് വിപിൻചന്ദ്ര അഞ്ജരയ്ക്ക് മുന്നിൽ കഴുത്തറുത്ത് ആത്മഹത്യയ്ക്ക് ശ്രമിച്ചതായി റിപ്പോർട്ട്. മൈസൂരു നിവാസിയായ ശ്രീനിവാസാണ് കോടതിക്കുള്ളിൽ വെച്ച് ആത്മഹത്യയ്ക്ക് ശ്രമിച്ചത്. ഉടൻ തന്നെ ആശുപത്രിയിൽ എത്തിച്ച ഇയാൾ  ചികിത്സയിലാണ്.

സംവത്തെപ്പറ്റി പോലീസ് ഉദ്യോ​ഗസ്ഥർ പറയുന്നത് ഇങ്ങനെ: 

മൈസൂരു നിവാസിയായ ശ്രീനിവാസ് ഹൈക്കോടതിയിൽ പ്രവേശിച്ച് കോടതി ഹാൾ ഒന്നിലെ സുരക്ഷാ ഉദ്യോഗസ്ഥർക്ക് ഫയൽ കൈമാറി. ഉടൻ തന്നെ പോക്കറ്റിൽ നിന്ന് കത്തിയെടുത്ത് ചീഫ് ജസ്റ്റിസിൻ്റെ സാന്നിധ്യത്തിൽ കഴുത്തറക്കുകയായിരുന്നു. ഉടൻ തന്നെ ഇയാളെ ബൗറിങ് ആശുപത്രിയിലേക്ക് മാറ്റുകയായിരുന്നു. 

എന്തുകൊണ്ടാണ് അദ്ദേഹം ചീഫ് ജസ്റ്റിസിന് മുന്നിൽ ഇത്തരമൊരു നടപടി സ്വീകരിച്ചതെന്ന് ഞങ്ങൾക്ക് അറിയില്ലെന്ന് പോലീസ് ഉദ്യോഗസ്ഥൻ മാധ്യമങ്ങളോട്  പറഞ്ഞു. അദ്ദേഹം ഇപ്പോൾ ചികിത്സയിലാണ്, ശാരീരികമായി ആരോഗ്യമുള്ളപ്പോൾ മാത്രമേ ഞങ്ങൾക്ക് അദ്ദേഹത്തിൻ്റെ മൊഴി എടുക്കാൻ കഴിയൂവെന്നും അവർ കൂട്ടിച്ചേർത്തു.

ഹൈക്കോടതി വളപ്പിനുള്ളിലെ സുരക്ഷയെക്കുറിച്ച് ചീഫ് ജസ്റ്റിസ് നിലയ് വിപിൻ ചന്ദ്ര അഞ്ജര ആശങ്ക പ്രകടിപ്പിക്കുകയും ഇത്രയും മൂർച്ചയുള്ള വസ്തു കോടതിയിലേക്ക് അനുവദിക്കുന്നതിനെ ചോദ്യം ചെയ്യുകയും ചെയ്തു. സംഭവസ്ഥലത്ത് നിന്ന് തെളിവുകൾ ശേഖരിക്കാനും കണ്ടെത്തലുകൾ രേഖപ്പെടുത്താനും അദ്ദേഹം പോലീസിന് നിർദ്ദേശം നൽകി.

എന്നിരുന്നാലും, കഴുത്തറുക്കുന്നതിന് മുമ്പ് അദ്ദേഹം സുരക്ഷാ ഉദ്യോഗസ്ഥർക്ക് നൽകിയ ഫയലിൻ്റെ ഉള്ളടക്കത്തെക്കുറിച്ച് ഇപ്പോഴും അജ്ഞാതമാണ്. അഭിഭാഷകൻ ഹാജരാക്കാത്തതിനാൽ ഫയലിൻ്റെ ഉള്ളടക്കം പരിശോധിക്കാൻ കോടതിക്ക് കഴിയില്ല.

ആരോഗ്യനില തൃപ്തികരമായ ശേഷം ശ്രീനിവാസ് ആത്മഹത്യയ്ക്ക് ശ്രമിച്ചത് എന്തുകൊണ്ടാണെന്ന് കണ്ടെത്താൻ പോലീസ് കാത്തിരിക്കുകയാണ്.