ഞാനൊരു കോണ്‍ഗ്രസ് എംഎല്‍എ ആണെങ്കിലും എനിക്ക് ആര്‍എസ്എസുമായി ബന്ധമുണ്ട്. സംഘത്തിലെ പല ഉദ്യോഗസ്ഥരും എന്റെ പരിചയക്കാരാണ്, ഞാന്‍ സംഘത്തിനുവേണ്ടി ധാരാളം കാര്യങ്ങള്‍ ചെയ്തിട്ടുണ്ട്. തുറന്ന് പറഞ്ഞ് കോണ്‍ഗ്രസ് എംഎല്‍എ ഭൈറോണ്‍ സിംഗ് പരിഹാര്‍

ഭോപ്പാല്‍: കോണ്‍ഗ്രസ് നേതാവ് രാഹുല്‍ ഗാന്ധി ഉള്‍പ്പെടെയുള്ള നിരവധി മുതിര്‍ന്ന നേതാക്കള്‍ രാഷ്ട്രീയ സ്വയംസേവക സംഘത്തിന്റെ പ്രത്യയശാസ്ത്രത്തെക്കുറിച്ച് പലതവണ ചോദ്യങ്ങള്‍ ഉന്നയിച്ചിട്ടുണ്ട്.

എന്നാല്‍ മധ്യപ്രദേശിലെ ഒരു കോണ്‍ഗ്രസ് എംഎല്‍എ സംഘവുമായുള്ള തന്റെ ബന്ധം വെളിപ്പെടുത്തി രംഗത്തെത്തിയിരിക്കുകയാണ്. കോണ്‍ഗ്രസ് എംഎല്‍എയുടെ വീഡിയോ വൈറലാണ്.

മധ്യപ്രദേശിലെ സണ്‍സര്‍ സീറ്റില്‍ നിന്നുള്ള കോണ്‍ഗ്രസ് എംഎല്‍എ ഭൈരോ സിംഗ് പരിഹാര്‍, ഒരു പൊതുവേദിയില്‍ ആര്‍എസ്എസുമായുള്ള തന്റെ അടുപ്പം വെളിപ്പെടുത്തുന്നത് വീഡിയോയില്‍ കാണാം.

ആഗ്ര-മാല്‍വ മേഖലയിലെ ഒരു പരിപാടിയില്‍ പങ്കെടുക്കാന്‍ എത്തിയ കോണ്‍ഗ്രസ് എംഎല്‍എ ഭൈറോണ്‍ സിംഗ് ആര്‍.എസ്.എസിനെ പ്രശംസിക്കുകയായിരുന്നു.

കോണ്‍ഗ്രസ് എംഎല്‍എ ആണെങ്കിലും താന്‍ സംഘവുമായി ബന്ധപ്പെട്ടിരിക്കുന്നുവെന്ന് ഭൈറോണ്‍ സിംഗ് പരിഹാര്‍ പറഞ്ഞു.

എനിക്ക് സംഘവുമായി ബന്ധമുണ്ട്. ഞാന്‍ ഒരു കോണ്‍ഗ്രസുകാരനാണെങ്കിലും, സംഘത്തിലെ പല ഉദ്യോഗസ്ഥരും എന്റെ പരിചയക്കാരാണ്, ഞാന്‍ സംഘത്തിനുവേണ്ടി ധാരാളം കാര്യങ്ങള്‍ ചെയ്തിട്ടുണ്ട്. ഭൈറോണ്‍ സിംഗ് പരിഹാര്‍ പറഞ്ഞു.