ഗുജറാത്തിലെ ഭാവ്‌നഗറിലെ ഒരു മുച്ചയത്തിൽ വൻ തീപിടുത്തം . കെട്ടിടത്തിൽ നിരവധി ആശുപത്രികൾ പ്രവർത്തിക്കുന്നു. കുട്ടികളെ രക്ഷപ്പെടുത്തിയത് ജനാലകൾ തകർത്ത്

ഡല്‍ഹി: ഗുജറാത്തിലെ ഭാവ്നഗറിലെ കല്‍ നള പ്രദേശത്തെ ഒരു സമുച്ചയത്തില്‍ വന്‍ തീപിടുത്തം. ബേസ്മെന്റില്‍ ആരംഭിച്ച തീ പെട്ടെന്ന് കെട്ടിടമാകെ പടര്‍ന്നു. കെട്ടിടത്തില്‍ നിരവധി ആശുപത്രികളുണ്ട്. 

ആശുപത്രികളില്‍ നിന്ന് രോഗികളെ രക്ഷപ്പെടുത്തുന്നുണ്ട്. വിവരം ലഭിച്ചയുടന്‍ അഗ്‌നിശമന സേനാംഗങ്ങള്‍ സ്ഥലത്തെത്തി. കെട്ടിടത്തിന്റെ ഗ്ലാസ് തകര്‍ത്താണ് കുട്ടികളെ രക്ഷപ്പെടുത്തിയത്. 

പ്രാഥമിക റിപ്പോര്‍ട്ടുകള്‍ പ്രകാരം, ഇന്ന് രാവിലെ 9 മണിയോടെ കലുഭ റോഡിനടുത്തുള്ള ഒരു ബഹുനില സമുച്ചയത്തിലെ ഒരു പാത്തോളജി ലാബില്‍ തീപിടുത്തമുണ്ടായി. ഈ സമുച്ചയത്തില്‍ നിരവധി ആശുപത്രികളും മറ്റ് കടകളും ഓഫീസുകളും ഉണ്ട്. 

തീപിടുത്തത്തെത്തുടര്‍ന്ന്, സമുച്ചയത്തിലെ ആശുപത്രിയില്‍ പ്രവേശിപ്പിച്ച കുട്ടികളെയും മറ്റ് രോഗികളെയും ഗ്ലാസ് തകര്‍ത്താണ് രക്ഷപ്പെടുത്തിയത്. അഗ്‌നിശമന സേന എത്തുന്നതിനു മുമ്പുതന്നെ,നാട്ടുകാര്‍ ഉടന്‍ തന്നെ ജനാലയില്‍ ഒരു ഗോവണി സ്ഥാപിച്ച് കുട്ടികളെ  പുറത്തെടുക്കാന്‍ തുടങ്ങി.

എല്ലാ രോഗികളെയും മെഡിക്കല്‍ കോളേജിലെക്ക് മാറ്റി. തീ നിയന്ത്രണവിധേയമാക്കി, ആളപായമൊന്നും സംഭവിച്ചില്ല. വിവരം ലഭിച്ചയുടനെ അഞ്ച് ഫയര്‍ ടെന്‍ഡറുകളും 50 ജീവനക്കാരും സ്ഥലത്തെത്തി രക്ഷാപ്രവര്‍ത്തനം ആരംഭിച്ചു.