ചെങ്കോട്ടയ്ക്ക് മുന്നില്‍ നടന്ന ജൈന സമൂഹത്തിന്റെ പരിപാടിയില്‍ നിന്ന് ഒരു കോടി രൂപ വിലമതിക്കുന്ന കലശം മോഷ്ടിച്ച പ്രതിയെ ഹാപൂരില്‍ നിന്ന് ഡല്‍ഹി പോലീസ് അറസ്റ്റ് ചെയ്തു

ഡല്‍ഹി: ഡല്‍ഹിയില്‍ നിന്ന് ഒരു കോടി വിലമതിക്കുന്ന കലശം മോഷ്ടിച്ച പ്രതിയെ അറസ്റ്റ് ചെയ്തു. ഡല്‍ഹി ക്രൈംബ്രാഞ്ച് ഹാപൂരില്‍ നിന്ന് പ്രതിയെ അറസ്റ്റ് ചെയ്തു.

ചെങ്കോട്ടയ്ക്ക് മുന്നിലുള്ള ജൈന സമൂഹത്തിന്റെ പരിപാടിയില്‍ നിന്ന് പ്രതി കലശം മോഷ്ടിച്ചിരുന്നു. പ്രതിക്കെതിരെ അഞ്ചോ ആറോ മോഷണ കേസുകള്‍ രജിസ്റ്റര്‍ ചെയ്തിട്ടുണ്ട് . 

പ്രതിയെ കണ്ടെത്തുന്നതിനായി 10 സംഘങ്ങള്‍ രൂപീകരിച്ചു. തുടക്കത്തില്‍ നാല് സംഘങ്ങള്‍ മാത്രമാണ് അന്വേഷണത്തില്‍ ഏര്‍പ്പെട്ടിരുന്നത്.

ജില്ലയിലെ സ്‌പെഷ്യല്‍ സ്റ്റാഫ്, എഎടിഎസ്, മയക്കുമരുന്ന് വിരുദ്ധ സെല്‍ എന്നിവയുള്‍പ്പെടെ ജില്ലയിലെ എല്ലാ പോലീസ് ഉദ്യോഗസ്ഥരും പ്രതിയെ കണ്ടെത്തുന്നതിനായി തിരച്ചില്‍ നടത്തിയിരുന്നു.