ഒരു പതിറ്റാണ്ടിലേറെ മുഖ്യമന്ത്രിയായിരുന്ന വ്യക്തിയുടെ 'ഖജനാവില്‍' ഉണ്ടായിരുന്നത് നാല് കവറുകള്‍ മാത്രം. ആ നാല് കവറുകളിലായി ഉണ്ടായിരുന്നത് 24,500 രൂപ. ഇതില്‍ നിന്ന് ഒരു രൂപ പോലും കുടുംബത്തിന് അനന്തരാവകാശമായി ലഭിച്ചതുമില്ല. കോടീശ്വരന്‍ മുഖ്യമന്ത്രിമാരുടെ പട്ടികയില്‍ ബിഹാറിലെ ഈ മുഖ്യമന്ത്രിയുടെ സമ്പത്തിന്റെ അത്ഭുതപ്പെടുത്തുന്ന കഥ

ഡല്‍ഹി: 1961 ജനുവരി 31. ബീഹാര്‍ സംസ്ഥാനത്തിന്റെ ആദ്യ മുഖ്യമന്ത്രി ശ്രീകൃഷ്ണ സിംഗ് അന്തരിച്ചു. ദുഃഖാചരണം അവസാനിച്ചപ്പോള്‍ ഗവര്‍ണര്‍ ഡോ.സക്കീര്‍ ഹുസൈന്റെ സാന്നിധ്യത്തില്‍ ഫെബ്രുവരി 11ന് അദ്ദേഹത്തിന്റെ സേഫ് തുറന്നു. 

ഒരു ദശാബ്ദത്തിലേറെക്കാലം മുഖ്യമന്ത്രിയായിരുന്ന വ്യക്തിയുടെ 'ഖജനാവില്‍' കണ്ടെത്തിയത് നാല് കവറുകള്‍ മാത്രം. ആ നാല് കവറുകളിലായി 24,500 രൂപയുണ്ടായിരുന്നു. ഇതില്‍ നിന്ന് ഒരു രൂപ പോലും അദ്ദേഹത്തിന്റെ കുടുംബത്തിന് അനന്തരാവകാശമായി ലഭിച്ചില്ല

പത്രപ്രവര്‍ത്തകനായ സന്തോഷ് സിങ്ങിന്റെ ''ദി ജനനായക് കര്‍പുരി താക്കൂര്‍'' എന്ന പുസ്തകം അനുസരിച്ച് ആദ്യ കവറില്‍ സൂക്ഷിച്ചിരുന്ന 20,000 രൂപ ബിഹാര്‍ പ്രദേശ് കോണ്‍ഗ്രസ് കമ്മിറ്റിക്കുള്ളതായിരുന്നു. 

രണ്ടാമത്തെ കവറില്‍ സൂക്ഷിച്ചിരുന്ന മൂവായിരം രൂപ മുന്‍ മന്ത്രി ഉസിയാര്‍ ഹുസൈന്‍ മുനിമിയുടെ മകള്‍ക്കും മൂന്നാമത്തെ കവറില്‍ മുന്‍ മന്ത്രി മഹേഷ് പ്രസാദ് സിങ്ങിന്റെ ഇളയ മകള്‍ക്കുള്ള ആയിരം രൂപയും നാലാമത്തെ കവറിലെ 500 രൂപ വിശ്വസ്ത സേവകനുമുള്ളതായിരുന്നു.

2024 ഡിസംബര്‍ 30. തിരഞ്ഞെടുപ്പ് പ്രക്രിയകള്‍ ഓഡിറ്റ് ചെയ്യുന്ന സംഘടനയായ അസോസിയേഷന്‍ ഫോര്‍ ഡെമോക്രാറ്റിക് റിഫോം (എഡിആര്‍) ഒരു റിപ്പോര്‍ട്ട് പ്രസിദ്ധീകരിച്ചു. ഇതില്‍ രാജ്യത്തെ മുഖ്യമന്ത്രിമാരുടെ സ്വത്തുവിവരങ്ങള്‍ പ്രസിദ്ധീകരിക്കും.

ഇത് പ്രകാരം രാജ്യത്തെ പ്രതിശീര്‍ഷ വരുമാനത്തേക്കാള്‍ 7 മടങ്ങ് കൂടുതലാണ് ഇന്ത്യയിലെ മുഖ്യമന്ത്രിമാരുടെ ശരാശരി വരുമാനമെന്ന് കണ്ടെത്തി. ചന്ദ്രബാബു നായിഡുവും പേമ ഖണ്ഡുവും രാജ്യത്തെ രണ്ട് ശതകോടീശ്വരന്‍മാരായ മുഖ്യമന്ത്രിമാരാണ്. ഈ മുഖ്യമന്ത്രിമാരുടെ ശരാശരി ആസ്തി 52.59 കോടി രൂപയാണ്

എഡിആര്‍ റിപ്പോര്‍ട്ട് പ്രകാരം 931 കോടി രൂപയുടെ ആസ്തിയുമായി ആന്ധ്രപ്രദേശ് മുഖ്യമന്ത്രി ചന്ദ്രബാബു നായിഡുവാണ് ഒന്നാമത്.

332 കോടിയുമായി അരുണാചല്‍ പ്രദേശ് മുഖ്യമന്ത്രി പേമ ഖണ്ഡുവാണ് തൊട്ടുപിന്നില്‍. 51 കോടി രൂപ വരുമാനമുള്ള കര്‍ണാടകയിലെ സിദ്ധരാമയ്യ സമ്പന്ന മുഖ്യമന്ത്രിമാരുടെ പട്ടികയില്‍ മൂന്നാം സ്ഥാനത്താണ്. 

നാഗാലാന്‍ഡ് മുഖ്യമന്ത്രി നെയ്ഫിയു റിയോയാണ് പട്ടികയില്‍ അടുത്തത്. 46 കോടി രൂപയാണ് അദ്ദേഹത്തിന്റെ ആസ്തി. ഇതിനുശേഷം, 2023 ഡിസംബര്‍ മുതല്‍ മധ്യപ്രദേശിന്റെ അധികാരം ഏറ്റെടുത്ത മോഹന്‍ യാദവിന്റെ സമ്പത്ത് 42 കോടി രൂപയാണെന്ന് പറയപ്പെടുന്നു. 

അതേ സമയം 15 ലക്ഷം രൂപ ആസ്തിയുള്ള മമത ബാനര്‍ജിയാണ് അവസാന സ്ഥാനത്ത്. മമതക്ക് മുകളില്‍ ജമ്മു കശ്മീര്‍ മുഖ്യമന്ത്രി ഒമര്‍ അബ്ദുള്ളയുടെ പേരുണ്ട്. അദ്ദേഹത്തിന്റെ ആസ്തി 55 ലക്ഷം രൂപയാണ്

ഇതിന് പിന്നാലെയാണ് കേരളത്തിലെ പിണറായി വിജയന്‍, ഡല്‍ഹിയിലെ അതിഷി, രാജസ്ഥാന്റെ ഭജന്‍ ശര്‍മ എന്നിവരുടെ പേരുകള്‍. മൂവരുടെയും ആസ്തി ഒരു കോടിയിലേറെ വരും.