ബീഹാർ നിയമസഭാ തെരഞ്ഞെടുപ്പ് തീയതികൾ ഇന്ന് വൈകുന്നേരം 4 മണിക്ക് തിരഞ്ഞെടുപ്പ് കമ്മീഷൻ പ്രഖ്യാപിക്കും

ഡല്‍ഹി: ബിഹാര്‍ നിയമസഭാ തെരഞ്ഞെടുപ്പ് തീയതികള്‍ ഇന്ത്യന്‍ തിരഞ്ഞെടുപ്പ് കമ്മീഷന്‍ ഇന്ന് പ്രഖ്യാപിക്കും. വൈകുന്നേരം 4 മണിക്ക് വോട്ടെടുപ്പ് അതോറിറ്റി ഒരു പത്രസമ്മേളനം വിളിച്ചുചേര്‍ത്തിട്ടുണ്ട്. 

സംസ്ഥാനത്തെ തിരഞ്ഞെടുപ്പ് തയ്യാറെടുപ്പുകളെക്കുറിച്ചുള്ള രണ്ട് ദിവസത്തെ സമഗ്രമായ അവലോകനത്തിന് ഒരു ദിവസത്തിന് ശേഷമാണ് തിരഞ്ഞെടുപ്പ് കമ്മീഷന്റെ പ്രഖ്യാപനം. 243 അംഗ സംസ്ഥാന നിയമസഭയുടെ കാലാവധി നവംബര്‍ 22 ന് അവസാനിക്കും.

ഒക്ടോബര്‍ അവസാനം ആഘോഷിക്കുന്ന ഛത്ത് ഉത്സവത്തിന് ശേഷം ഉടന്‍ തന്നെ തിരഞ്ഞെടുപ്പ് നടത്തണമെന്ന് രാഷ്ട്രീയ പാര്‍ട്ടികള്‍ തിരഞ്ഞെടുപ്പ് കമ്മീഷനോട് ആവശ്യപ്പെട്ടു.

പുറത്തു ജോലി ചെയ്യുന്ന ധാരാളം ആളുകള്‍ ആഘോഷങ്ങള്‍ക്കായി നാട്ടിലേക്ക് മടങ്ങുന്നതിനാല്‍ കൂടുതല്‍ വോട്ടര്‍മാരുടെ പങ്കാളിത്തം ഉറപ്പാക്കാനാണ് ഇത്.

2020 ലെ ബീഹാര്‍ നിയമസഭാ തെരഞ്ഞെടുപ്പില്‍ മൂന്ന് ഘട്ടങ്ങളിലായാണ് വോട്ടെടുപ്പ് നടന്നത്. നിലവിലെ 243 അംഗ നിയമസഭയുടെ കാലാവധി നവംബര്‍ 22 ന് അവസാനിക്കും.