ഫലം ആശ്ചര്യകരം, വോട്ടെടുപ്പുകള്‍ അന്യായമായിരുന്നു. തുടക്കം മുതൽ തന്നെ വോട്ടെടുപ്പ് 'ന്യായമല്ല' എന്നതിനാലാണ് മഹാഗത്ബന്ധന് വിജയം നേടാൻ കഴിയാത്തത്. ബീഹാര്‍ തെരഞ്ഞെടുപ്പ് പരാജയത്തെക്കുറിച്ച് പ്രതികരിച്ച് രാഹുല്‍ ഗാന്ധി

ഡല്‍ഹി: ബിഹാറിലെ നിയമസഭാ തെരഞ്ഞെടുപ്പ് ഫലം 'ശരിക്കും ആശ്ചര്യകരമാണ്' എന്ന് കോണ്‍ഗ്രസ് എംപി രാഹുല്‍ ഗാന്ധി. തുടക്കം മുതല്‍ തന്നെ വോട്ടെടുപ്പ് 'ന്യായമല്ല' എന്നതിനാലാണ് മഹാഗത്ബന്ധന് വിജയം നേടാന്‍ കഴിയാത്തതെന്ന് അദ്ദേഹം കൂട്ടിച്ചേര്‍ത്തു. 

നിയമസഭാ തെരഞ്ഞെടുപ്പില്‍ മഹാസഖ്യത്തിന് വോട്ട് ചെയ്ത ബീഹാറിലെ ജനങ്ങള്‍ക്ക് അദ്ദേഹം ഹൃദയംഗമമായ നന്ദിയും അറിയിച്ചു. 

'ബീഹാറിലെ ഈ ഫലം ശരിക്കും അത്ഭുതപ്പെടുത്തുന്നതാണ്. തുടക്കം മുതല്‍ തന്നെ നീതിയുക്തമല്ലാത്ത ഒരു തിരഞ്ഞെടുപ്പില്‍ ഞങ്ങള്‍ക്ക് വിജയം നേടാന്‍ കഴിഞ്ഞില്ല,' രാഹുല്‍ ഗാന്ധി എക്‌സില്‍ പോസ്റ്റ് ചെയ്തു. 

'ഭരണഘടനയുടെയും ജനാധിപത്യത്തിന്റെയും സംരക്ഷണത്തിനായുള്ളതാണ് ഈ പോരാട്ടം. കോണ്‍ഗ്രസ് പാര്‍ട്ടിയും ഇന്ത്യാ സഖ്യവും ഈ ഫലം ആഴത്തില്‍ അവലോകനം ചെയ്യുകയും ജനാധിപത്യത്തെ കൂടുതല്‍ ഫലപ്രദമാക്കാനുള്ള ശ്രമങ്ങള്‍ നടത്തുകയും ചെയ്യുമെന്നും അദ്ദേഹം വ്യക്തമാക്കി.