ബെംഗളൂരുവിലെ ഇലക്ട്രോണിക് സിറ്റി കാമ്പസിൽ ബയോകോൺ ജീവനക്കാരനെ മരിച്ച നിലയിൽ കണ്ടെത്തി, അന്വേഷണം ആരംഭിച്ചു

ബെംഗളൂരു: ബയോകോണിലെ 26 വയസ്സുള്ള ജീവനക്കാരനെ ചൊവ്വാഴ്ച ഉച്ചയ്ക്ക് കമ്പനിയുടെ ഇലക്ട്രോണിക് സിറ്റി കാമ്പസില്‍ മരിച്ച നിലയില്‍ കണ്ടെത്തി. കര്‍ണാടകയിലെ ബനശങ്കരി സ്വദേശിയായ ആനന്ദ് കുമാറാണ് കൊല്ലപ്പെട്ടത്. കമ്പനിയുടെ ധനകാര്യ വിഭാഗത്തില്‍ ജോലി ചെയ്തിരുന്നയാളാണ് ഇദ്ദേഹം.

ഓഫീസ് പരിസരത്ത് ഉച്ചകഴിഞ്ഞാണ് സംഭവം നടന്നതെന്ന് പോലീസ് പറഞ്ഞു. കുമാര്‍ നാലാം നിലയിലെ പാരപെറ്റ് മതിലില്‍ നിന്ന് വീഴുകയോ ചാടുകയോ ചെയ്തിരിക്കാമെന്നാണ് പ്രാഥമിക അന്വേഷണത്തില്‍ സൂചന. ഉടന്‍ തന്നെ ഇലക്ട്രോണിക് സിറ്റിയിലെ ആശുപത്രിയില്‍ എത്തിച്ചെങ്കിലും ഡോക്ടര്‍മാര്‍ മരിച്ചതായി പ്രഖ്യാപിച്ചു.

പരപ്പന അഗ്രഹാര പോലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു. സംഭവസ്ഥലത്ത് നിന്ന് ഒരു കുറിപ്പും കണ്ടെടുത്തിട്ടില്ലെന്ന് പോലീസ് ഉദ്യോഗസ്ഥര്‍ സ്ഥിരീകരിച്ചു. കുമാറിന്റെ മരണത്തിന് പിന്നിലെ കൃത്യമായ കാരണം ഇതുവരെ വ്യക്തമായിട്ടില്ല.