മുസ്ലീം സ്ത്രീകൾ കോട്ടയിൽ സ്ത്രീകൾ നമസ്‌കരിക്കുന്നു, ഗോമൂത്രം ഉപയോഗിച്ച് പ്രദേശം ശുദ്ധീകരിച്ച് ബിജെപി എംപി

ഡല്‍ഹി: ബിജെപി എംപി മേധ കുല്‍ക്കര്‍ണിയുടെ നേതൃത്വത്തില്‍ ഒരു കൂട്ടം ഹിന്ദു സംഘടനകള്‍ ചരിത്രപ്രസിദ്ധമായ ശനിവാര്‍ വാഡയില്‍ 'ശുദ്ധീകരണ ചടങ്ങ്' നടത്തിയതിനെത്തുടര്‍ന്ന് പൂനെയില്‍ വലിയ രാഷ്ട്രീയ വിവാദം പൊട്ടിപ്പുറപ്പെട്ടു. മുസ്ലീം സ്ത്രീകള്‍ കോട്ടയില്‍ നമസ്‌കരിക്കുന്നതിന്റെ വീഡിയോ വൈറലായതിനെ തുടര്‍ന്നാണിത്.

സ്ത്രീകള്‍ നമസ്‌കരിച്ച സ്ഥലം 'ഗോമൂത്രം' ഉപയോഗിച്ച് വൃത്തിയാക്കി ശിവവന്ദനം നടത്തി നേതാക്കള്‍ 'ശുദ്ധീകരണം' നടത്തുന്ന വീഡിയോ പുറത്തുവന്നു.

മറാത്ത സാമ്രാജ്യത്തിന്റെ പ്രതീകമായ ഐക്കണിക് പൂനെ കോട്ടയില്‍ നടന്ന സംഭവം 'ഓരോ പുനെക്കര്‍ക്കും ആശങ്കയും രോഷവും ഉളവാക്കുന്ന കാര്യമായിരുന്നു' എന്ന് കുല്‍ക്കര്‍ണി പറഞ്ഞു.

'ഇത് നിര്‍ഭാഗ്യകരമാണ്. ശനിവാര്‍ വാഡയില്‍ നമസ്‌കരിക്കാന്‍ പാടില്ല. ഇതില്‍ ഉള്‍പ്പെട്ടവര്‍ക്കെതിരെ കര്‍ശന നടപടിയെടുക്കണമെന്ന് ഞങ്ങള്‍ ഭരണകൂടത്തോട് അഭ്യര്‍ത്ഥിക്കുന്നു. ശനിവാര്‍ വാഡയില്‍ ഞങ്ങള്‍ ശിവവന്ദനം നടത്തി സ്ഥലം ശുദ്ധീകരിച്ചു. 

ഞങ്ങള്‍ ഒരു കാവി പതാക ഉയര്‍ത്താന്‍ ശ്രമിച്ചു, പക്ഷേ ഉദ്യോഗസ്ഥര്‍ ഞങ്ങളെ തടഞ്ഞു. ഈ ആളുകള്‍ എവിടെയെങ്കിലും നമസ്‌കരിക്കുകയും പിന്നീട് അത് വഖഫ് സ്വത്തില്‍ ചേര്‍ക്കുകയും ചെയ്യുന്നു. ഹിന്ദു സമൂഹം ജാഗ്രത പാലിക്കണമെന്നും അവര്‍ പറഞ്ഞു.