ജീവനക്കാരുടെ ഫോണുകളും ലാപ്‌ടോപ്പുകളും ചൈനയിലേക്ക് കൊണ്ടുപോകരുതെന്ന് ഉത്തരവിട്ട് ബ്ലാക്ക്‌റോക്ക്

ഡല്‍ഹി: ലോകത്തിലെ ഏറ്റവും വലിയ കമ്പനികളില്‍ ഒന്നായ ഇന്‍വെസ്റ്റ്മെന്റ് മാനേജ്മെന്റ് കമ്പനിയായ ബ്ലാക്ക്റോക്ക്, തങ്ങളുടെ ജീവനക്കാര്‍ ഫോണുകളും ലാപ്ടോപ്പുകളും ചൈനയിലേക്ക് കൊണ്ടുപോകുന്നത് വിലക്കി.

പകരം ലോണായി എടുത്ത ഫോണുകള്‍ താല്‍ക്കാലികമായി ഉപയോഗിക്കാന്‍ അവരോട് ആവശ്യപ്പെട്ടിട്ടുണ്ട്. ലോകത്തിലെ ഏറ്റവും വലിയ അമേരിക്കന്‍ മള്‍ട്ടിനാഷണല്‍ ഇന്‍വെസ്റ്റ്മെന്റ് മാനേജ്മെന്റ് കമ്പനിയാണിത്.

ബ്ലാക്ക് റോക്ക് ഇഷ്യൂ ചെയ്ത ഐഫോണുകള്‍, ഐപാഡുകള്‍, ലാപ്ടോപ്പുകള്‍, വെര്‍ച്വല്‍ പ്രൈവറ്റ് നെറ്റ്വര്‍ക്കുകള്‍ വഴിയുള്ള റിമോട്ട് ആക്സസ് എന്നിവയുടെ ഉപയോഗം ചൈനയില്‍ നിരോധിക്കുന്നത് ഉള്‍പ്പെടെ ജൂലൈ 16 മുതല്‍ പ്രാബല്യത്തില്‍ വരുന്ന ഒരു ആന്തരിക മെമ്മോയില്‍ കമ്പനി നയ പരിഷ്‌കാരങ്ങള്‍ വിശദീകരിച്ചു.

ചൈനയിലേക്കുള്ള സ്വകാര്യ യാത്രകളില്‍ ജീവനക്കാര്‍ക്ക് ബ്ലാക്ക് റോക്ക് നെറ്റ്വര്‍ക്കില്‍ ജോലി ചെയ്യാന്‍ കഴിയില്ലെന്നും കമ്പനി വ്യക്തമാക്കി.

വാഷിംഗ്ടണും ബീജിംഗും തമ്മിലുള്ള വര്‍ദ്ധിച്ചുവരുന്ന ഭൗമരാഷ്ട്രീയ സംഘര്‍ഷങ്ങള്‍ക്കിടയില്‍ ചൈനയില്‍ പ്രവര്‍ത്തിക്കുന്നതില്‍ കോര്‍പ്പറേറ്റ് കമ്പനികള്‍ക്ക് വര്‍ദ്ധിച്ചുവരുന്ന അസ്വസ്ഥതയാണ് ഈ നീക്കം പ്രതിഫലിപ്പിക്കുന്നത്.