മുംബൈ തീരത്ത് നാവികസേനയുടെ സ്പീഡ് ബോട്ടുമായി കൂട്ടിയിടിച്ച സ്വകാര്യ ബോട്ടിൽ യാത്രക്കാർക്ക് ലൈഫ് ജാക്കറ്റ് നൽകിയിട്ടില്ലെന്ന് വെളിപ്പെടുത്തി രക്ഷപ്പെട്ടവർ

മുംബൈ: മുംബൈ തീരത്ത് നാവികസേനയുടെ സ്പീഡ് ബോട്ടുമായി കൂട്ടിയിടിച്ച സ്വകാര്യ ബോട്ടിൽ യാത്രക്കാർക്ക് ലൈഫ് ജാക്കറ്റ് നൽകിയിട്ടില്ലെന്ന് വെളിപ്പെടുത്തി രക്ഷപ്പെട്ടവർ.

ഗേറ്റ്‌വേ ഓഫ് ഇന്ത്യയിൽ നിന്ന് എലിഫൻ്റ ദ്വീപിലേക്ക് 110-ലധികം യാത്രക്കാരുമായി പോവുകയായിരുന്ന ബോട്ട് നേവിയുടെ സ്പീഡ് ബോട്ടുമായി കൂട്ടിയിടിച്ചതിനെ തുടർന്ന് മറിഞ്ഞു. 13 പേർ മരിക്കുകയും 115 പേരെ രക്ഷപ്പെടുത്തുകയും ചെയ്തതായി അധികൃതർ അറിയിച്ചു.

രക്ഷപ്പെട്ട മുംബൈ സകിനാകയിൽ നിന്നുള്ള നാഥറാം ചൗധരിയുടെ പരാതിയുടെ അടിസ്ഥാനത്തിൽ നാവികസേനയുടെ സ്പീഡ് ബോട്ടിൻ്റെ ഡ്രൈവർക്കെതിരെ പോലീസ് എഫ്ഐആർ ഫയൽ ചെയ്തു

ഇന്ത്യൻ നാവികസേനയുടെ പ്രസ്താവന പ്രകാരം, കടലിൽ എഞ്ചിൻ ട്രയലിനിടെ സ്പീഡ് ബോട്ട് തകരാർ മൂലം നിയന്ത്രണം നഷ്ടപ്പെട്ട് ഫെറിയിൽ ഇടിച്ചതിനെ തുടർന്നാണ് അപകടമുണ്ടായത്.

ഉത്തർപ്രദേശിലെ ഗാസിപൂർ നിവാസിയായ ഗൗതം ഗുപ്ത തൻ്റെ അനുഭവം വിവരിച്ചു. എലിഫൻ്റ ഐലൻഡിലേക്ക് അമ്മയ്ക്കും ബന്ധുവിനുമൊപ്പം യാത്ര ചെയ്യുന്നതിനിടെയാണ് ഗുപ്തയ്ക്ക് അമ്മായിയെ നഷ്ടമായത്.

“ബോട്ടിൽ ആർക്കും ലൈഫ് ജാക്കറ്റ് ഉണ്ടായിരുന്നില്ല. കൂട്ടിയിടിക്ക് ശേഷം, ഞങ്ങൾ നിരവധി ആളുകളെ വെള്ളത്തിൽ നിന്ന് ബോട്ടിലേക്ക് കയറ്റി. ഏകദേശം 20 മുതൽ 25 മിനിറ്റ് വരെ, നാവികസേന ഞങ്ങളെ രക്ഷിച്ചു, പക്ഷേ അപ്പോഴേക്കും ഞങ്ങൾക്ക് എൻ്റെ അമ്മായിയെ നഷ്ടപ്പെട്ടിരുന്നു

രാജസ്ഥാനിലെ ജലോർ സ്വദേശിയായ ശ്രാവൺ കുമാറാണ് സംഭവം വീഡിയോയിൽ പകർത്തിയത്. നാവികസേനയുടെ സ്പീഡ് ബോട്ട് സ്റ്റണ്ട് ചെയ്യുകയായിരുന്നുവെന്ന് കുമാർ പറഞ്ഞു.

ഇത് ഞങ്ങളുടെ സംശയം ഉയർത്തി, അതിനാൽ ഞാൻ റെക്കോർഡിംഗ് ആരംഭിച്ചു. നിമിഷങ്ങൾക്കകം ബോട്ട് ഞങ്ങളുടെ ഫെറിയുമായി കൂട്ടിയിടിച്ചു.” വീഡിയോ സോഷ്യൽ മീഡിയയിൽ വൈറലായിരിക്കുകയാണ്.