ബ്രാഹ്മണർക്കെതിരായ ആക്ഷേപകരമായ പരാമർശത്തിന് ഐഎഎസ് ഉദ്യോഗസ്ഥന് നോട്ടീസ് അയച്ച് മധ്യപ്രദേശ് സർക്കാർ

ഡല്‍ഹി: ബ്രാഹ്‌മണര്‍ക്കെതിരെ ആക്ഷേപകരമായ പരാമര്‍ശം നടത്തിയതിന് മധ്യപ്രദേശ് സര്‍ക്കാര്‍ ഐഎഎസ് ഉദ്യോഗസ്ഥന്‍ സന്തോഷ് വര്‍മ്മയ്ക്ക് നോട്ടീസ് അയച്ചു. 

ഉദ്യോഗസ്ഥന്റെ അഭിപ്രായങ്ങള്‍ 'സാമൂഹിക ഐക്യത്തെ തകര്‍ക്കുകയും സമുദായങ്ങള്‍ക്കിടയില്‍ ശത്രുത സൃഷ്ടിക്കുകയും ചെയ്യുന്നു' എന്ന് നോട്ടീസില്‍ വാദിക്കുന്നു, ഇത് ഒരു സിവില്‍ സര്‍വീസിന് അനുചിതമാണെന്നും സര്‍വീസ് നിയമങ്ങള്‍ പ്രകാരം ഗുരുതരമായ പെരുമാറ്റദൂഷ്യമായി കണക്കാക്കാമെന്നും നോട്ടീസില്‍ വാദിക്കുന്നു. 

1969 ലെ അഖിലേന്ത്യാ സര്‍വീസസ് ചട്ടങ്ങള്‍ പ്രകാരം അദ്ദേഹത്തിനെതിരെ അച്ചടക്ക നടപടി സ്വീകരിക്കാത്തത് എന്തുകൊണ്ടാണെന്ന് നോട്ടീസിലൂടെ സര്‍ക്കാര്‍ ചോദിച്ചിട്ടുണ്ട്.

കഴിഞ്ഞ ദിവസങ്ങളില്‍, മധ്യപ്രദേശിലെ അനുസുചിത് ജാതി ഏവം ജഞ്ജതി അധികാരി ഏവം കര്‍മ്മചാരി സംഘിന്റെ സംസ്ഥാന പ്രസിഡന്റ് കൂടിയായ ഐഎഎസ് ഉദ്യോഗസ്ഥന്‍ സന്തോഷ് വര്‍മ ബ്രാഹ്‌മണ പെണ്‍കുട്ടികളെ കുറിച്ച് വിവാദ പരാമര്‍ശം നടത്തിയിരുന്നു.