/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/01/12/Lwqk67RRZ2PcFEzSjMHv.jpg)
ന്യൂഡല്ഹി: തിരുവനന്തപുരത്ത് 180 ഏക്കര് ഭൂമിയില് ബ്രഹ്മോസ് മിസൈല് നിര്മാണ യൂണിറ്റ് സ്ഥാപിക്കുന്നതിന് സുപ്രീം കോടതി അനുമതി.
തിരുവനന്തപുരം കാട്ടാക്കടയിലെ നെട്ടുകാല്ത്തേരി തുറന്ന ജയില് വളപ്പിലെ ഭൂമി ഡിആര്ഡിഓയ്ക്ക് കൈമാറാന് സുപ്രീം കോടതി സര്ക്കാരിന് അനുമതി നല്കി.
നെട്ടുകാല്ത്തേരി തുറന്ന ജയില് വളപ്പിലെ 32 ഏക്കര് ഭൂമി നാഷണല് ഫൊറന്സിക് സയന്സ് യൂണിവേഴ്സിറ്റി സ്ഥാപിക്കാനായി നല്കാനും സുപ്രീം കോടതി അനുമതി നല്കിയിട്ടുണ്ട്.
ഇതിനുപുറമെ സശസ്ത്ര സീമ ബല് ബറ്റാലിയന്റെ ഹെഡ് ക്വാട്ടേഴ്സ് സ്ഥാപിക്കാന് 32 ഏക്കര് ഭൂമി കൈമാറാനും സംസ്ഥാന സര്ക്കാരിന് സുപ്രീം കോടതി അനുമതി നല്കി.
/filters:format(webp)/sathyam/media/media_files/2025/06/08/OL5W8wr969GhCf1ppBgu.jpg)
ബ്രഹ്മോസ് എയ്റോ സ്പേസ് ട്രിവാന്ഡ്രം ലിമിറ്റഡിന്റെ വികസനത്തിന്റെ ഭാഗമായി ഭൂമി അനുവദിക്കണമെന്ന് കേരള സര്ക്കാരിനോട് ഡിആര്ഡിഒ ആവശ്യപ്പെട്ടിരുന്നു.
അത്യാധുനിക മിസൈല് നിര്മ്മാണത്തിനും തന്ത്രപ്രധാനമായ ഹാര്ഡ്വെയര് നിര്മ്മാണത്തിനുമായുള്ള യൂണിറ്റ് സ്ഥാപിക്കുന്നതിനാണ് ഡിആര്ഡിഓ ഭൂമി ഭൂമി ആവശ്യപ്പെട്ടത്.
ബ്രഹ്മോസ് എയ്റോ സ്പേസ് ട്രിവാന്ഡ്രം ലിമിറ്റഡിനെ പ്രതിരോധ മന്ത്രാലയത്തിന്റെ കീഴില് കൊണ്ടുവരുന്നതിനേക്കുറിച്ചും കേന്ദ്ര സര്ക്കാര് ആലോചിക്കുന്നുണ്ട്.
നെട്ടുകാല്ത്തേരി തുറന്ന ജയിലിന് നിലവില് 457 ഏക്കര് ഭൂമിയാണ് ഉള്ളത്.
ഇതില് 200 ഏക്കര് ഭൂമി ജയിലിനായി നിലനിര്ത്തിയശേഷം ബാക്കിയുള്ള 257 ഏക്കര് ഭൂമിയാണ് മൂന്ന് വികസന പദ്ധതികള്ക്കായി കൈമാറാന് പോകുന്നത്.
തുറന്ന ജയില് സ്ഥിതിചെയ്യുന്ന സ്ഥലം മറ്റ് ആവശ്യങ്ങള്ക്ക് കൈമാറണമെങ്കില് സുപ്രീം കോടതിയുടെ അനുമതി ആവശ്യമാണ്.
അതിനാലാണ് സംസ്ഥാന സര്ക്കാര് ഭൂമി കൈമാറ്റത്തിന് സുപ്രീം കോടതിയുടെ അനുമതി തേടിയത്.