ഡൽഹിയിലെ പഞ്ചാബി ബസ്തി പ്രദേശത്ത് നാല് നില കെട്ടിടം തകർന്നുവീണു, 14 പേരെ രക്ഷപ്പെടുത്തി

ഡല്‍ഹി: വടക്കുകിഴക്കന്‍ ഡല്‍ഹിയിലെ പഞ്ചാബി ബസ്തി പ്രദേശത്ത് നാല് നില കെട്ടിടം തകര്‍ന്നുവീണു. സംഭവത്തിന് ശേഷം, മുന്‍കരുതല്‍ നടപടിയായി കെട്ടിടത്തിലെ ആളുകളെ ഒഴിപ്പിച്ചു.

ഏറ്റവും പുതിയ വിവരം അനുസരിച്ച്, കെട്ടിടം തകര്‍ന്നതിനെ തുടര്‍ന്ന് ചില വാഹനങ്ങള്‍ അവശിഷ്ടങ്ങള്‍ക്കിടയില്‍ കുടുങ്ങിക്കിടക്കുകയാണ്.

അതേസമയം, സമീപത്തുള്ള കെട്ടിടത്തില്‍ കുടുങ്ങിയ 14 പേരെ അഗ്‌നിശമന സേന സുരക്ഷിതമായി പുറത്തെത്തിച്ചു. ഈ അപകടത്തില്‍ ചിലര്‍ക്ക് പരിക്കേറ്റിട്ടുണ്ട്. നിലവില്‍, സ്ഥലത്ത് ദുരിതാശ്വാസ, രക്ഷാപ്രവര്‍ത്തനങ്ങള്‍ പുരോഗമിക്കുകയാണ്.