മഹാരാഷ്ട്രയിലെ താനെയിൽ കെട്ടിടത്തിന്റെ ഒരു ഭാഗം തകർന്നുവീണ് സ്ത്രീ മരിച്ചു; രക്ഷാപ്രവർത്തനം പുരോഗമിക്കുന്നു

ഡല്‍ഹി: മഹാരാഷ്ട്രയിലെ താനെ ജില്ലയില്‍ കെട്ടിടത്തിന്റെ ഒരു ഭാഗം തകര്‍ന്നുവീണ്  റോഡിലൂടെ നടക്കുകയായിരുന്ന 62 വയസ്സുള്ള ഒരു സ്ത്രീ മരിക്കുകയും മരുമകള്‍ക്ക് ഗുരുതരമായി പരിക്കേല്‍ക്കുകയും ചെയ്തു.

പ്രദേശത്തെ ദൗലത്ത് നഗറിലെ ലക്കി കോമ്പൗണ്ടില്‍ പുലര്‍ച്ചെ 12.36 നാണ് സംഭവം നടന്നതെന്ന് താനെ മുനിസിപ്പല്‍ കോര്‍പ്പറേഷന്റെ ദുരന്തനിവാരണ സെല്‍ മേധാവി യാസിന്‍ തദ്വി പറഞ്ഞു.

നാല് നില കെട്ടിടത്തിലെ ഒരു ഫ്‌ലാറ്റിന്റെ ചുമരിന്റെ ഒരു ഭാഗം ഇടിഞ്ഞുവീണ് റോഡരികിലൂടെ നടന്നുകൊണ്ടിരുന്ന രണ്ട് സ്ത്രീകളുടെ മേല്‍ പതിച്ചതായി അദ്ദേഹം പറഞ്ഞു.

ഇല്‍മ സെഹ്റ ജമാലി (26) എന്ന സ്ത്രീക്ക് പരിക്കേറ്റു, അവരുടെ അമ്മ നഹിദ് സൈനുദ്ദീന്‍ ജമാലി (62) ആശുപത്രിയിലേക്ക് കൊണ്ടുപോയ ശേഷം മരിച്ചതായി ഔദ്യോഗികമായി സ്ഥിരീകരിച്ചു.

ഇരുവരും ഒരേ പ്രദേശത്തെ സന ടവറിലാണ് താമസിച്ചിരുന്നത്. പരിക്കേറ്റ സ്ത്രീ ആശുപത്രിയില്‍ ചികിത്സയിലാണെന്നും അദ്ദേഹം പറഞ്ഞു.