മുംബൈയിലെ വസായിൽ വൻ അപകടം, നാല് നില കെട്ടിടത്തിന്റെ ഒരു ഭാഗം തകർന്നുവീണ് രണ്ട് പേർ മരിച്ചു; രക്ഷാപ്രവർത്തനം തുടരുന്നു

ഡല്‍ഹി: മുംബൈയിലെ വസായ് പ്രദേശത്ത് ഒരു അപ്പാര്‍ട്ട്‌മെന്റിന്റെ ഒരു ഭാഗം തകര്‍ന്നുവീണു. ഇതില്‍ രണ്ട് പേര്‍ മരിച്ചു. 

നാരംഗി റോഡിലെ ചാമുണ്ഡ നഗറിനും വിജയ് നഗറിനും ഇടയില്‍ സ്ഥിതി ചെയ്യുന്ന രമാഭായ് അപ്പാര്‍ട്ട്‌മെന്റിന്റെ നാല് നില കെട്ടിടത്തിന്റെ പിന്‍ഭാഗം ഇന്നലെ രാത്രി വൈകി തകര്‍ന്നുവീണു.

മുംബൈ സബര്‍ബന്റെ ഭാഗമായ ഈ പ്രദേശം പാല്‍ഘര്‍ ജില്ലയിലാണ്. വസായ്-വിരാര്‍ മുനിസിപ്പല്‍ കോര്‍പ്പറേഷന്‍ അഗ്‌നിശമന സേനയുടെയും രണ്ട് എന്‍ഡിആര്‍എഫ് ടീമുകളുടെയും സഹായത്തോടെ രക്ഷാപ്രവര്‍ത്തനങ്ങള്‍ പുരോഗമിക്കുകയാണെന്ന് പാല്‍ഘര്‍ പോലീസ് പറഞ്ഞു.

ഇതുവരെ 11 പേരെ രക്ഷപ്പെടുത്തി വിരാറിലെയും നള സോപാരയിലെയും ആശുപത്രികളില്‍ പ്രവേശിപ്പിച്ചു.