നീന്തൽ താരം ബുല ചൗധരിയുടെ ഹൂഗ്ലിയിലെ വീട് കൊള്ളയടിച്ചു

ഡല്‍ഹി: നീന്തല്‍ താരം ബുല ചൗധരിയുടെ വീട് കൊള്ളയടിക്കപ്പെട്ടു. പിന്‍വാതില്‍ തകര്‍ത്ത് അകത്തുകടന്ന മോഷ്ടാക്കള്‍ പത്മശ്രീ അവാര്‍ഡ്, രാഷ്ട്രപതി അവാര്‍ഡ്, സ്വര്‍ണ്ണം, വെള്ളി, വെങ്കല മെഡലുകള്‍, വിദേശ അവാര്‍ഡുകള്‍ എന്നിവയുള്‍പ്പെടെ നിരവധി മെഡലുകള്‍ മോഷ്ടിച്ചു. 

വീട്ടുപകരണങ്ങള്‍ നശിപ്പിക്കുകയും ചെയ്തു. നിലവില്‍ കുടുംബത്തോടൊപ്പം കൊല്‍ക്കത്തയിലാണ് ബുല ചൗധരി താമസിക്കുന്നത്.

കവര്‍ച്ചയ്ക്ക് ശേഷം, വീട്ടില്‍ മുമ്പ് മൂന്ന് തവണ കൊള്ളയടിക്കപ്പെട്ടിട്ടുണ്ടെന്നും പോലീസില്‍ പരാതി നല്‍കിയിട്ടും സംഭവങ്ങള്‍ തുടര്‍ന്നുവെന്നും ഡോളന്‍ പറഞ്ഞു.